حكايه منار حكايه صدفه

اسيب الشركة واشتغل فى مكان تانى
سندس ده على اساس ان فرص العمل مرمية على الارض يعنى وانك بالساهل اشتغلتى فى الشركة دى
وعموما اهو خلاص الموضوع انتهى
الله يسامحك انتى واحمد واللى اسمه زياد ده اهو النوم طار من عينى فى موضوع انا لا ناقة لى ولا جمل فيه
ادعى عليكم بإيه بس
منة وهى بتضحك جميل ومش هنساهولك العمر كله

قومى طيب اغسلى وشك وانا هحضر حاجة ناكلها
سندس وهى بتقوم من على السرير امرى لله مادام مفيهاش نوم يبقى على الأقل اكل مطلعش خسرانة الجلد والسقط كده
منة وهى بتضحك عليكى كلام غريب 
سندس ما غريب إلا الشيطان 
قومى شوفلنا حاجة ناكلها لحسن كسلت اكل ونمت جعانة اصلا
بعد شهرين 
سندس يا استاذ يا حضرة يا بشمهندس 
زياد وهو بيبص وراه حضرتك بتكلمينى
سندس ايوه حضرتى بتكلم حضرتك اتفضل 
زياد باستغراب دى المحفظة بتاعتى ايه اللى جابها معاكى
سندس مفيش سرقتها وبعدين ضميرى صحى وافتكرت ان السړقة حرام فقولت ارجعها 
هيكون ايه اللى جابها معايا وقعت منك وانت داخل وانا شوفتها فقولت اديهالك 
زياد هو احنا متقابلناش قبل كده 
سندس بصوت واطى دى اقدم جملة فى تاريخ الشقط دى من ايام الملك فاروق طب جدد طيب
زياد يا انسة بتقولى ايه مش سامعك انا بسألك احنا متقابلناش قبل كده حاسس ان دى مش اول مرة اتكلم معاكى 
سندس دى اول مرة اجى هنا فانت اكيد متعرفنيش 
زياد مش عارف بس حاسس انى عارف صوتك عارف روحك مش غريبة عليا 
سندس بصوت واطى يا روحى بقى عارف روحى ياللى تطلع روحك بصعوبة من جسمك
زياد انتى بتتكلمى بصوت واطى ليه مش سامعك 
سندس بقول لحضرتك لا دى اول مرة اشوف حضرتك ونتكلم اتفضل محفظتك بقى ندمتنى انى رجعتهالك ما تأخظها وخلاص ونعيش فى سلام انما لا لازم تلزيق وقرف
زياد پصدمة انتى بتقولى ايه
سندس مبقولش محفظتك معاك سلام
بعد يومين 
سندس يعنى زياد عرف ان مش انتى اللى كلمتيه فى الموبايل 
منة اه 
سندس وعرف ان اختك اللى هى انا هى اللى كانت بتكلمه
منة ايوه
سندس وقالك انه مش زعلان ولا مضايق وانه عايز يتقدملى 
منة ده اللى حصل 
سندس ليه ان شاء الله عايز اى حاجة من ريحتك وخلاص 
ولا مفكر نفسه فى رواية هبلة وهيعمل كده علشان ينتقم منى
منة معرفش هو طلب منى رقم بابا
سندس اوعى تكونى اديتيهوله 
منة لا قولتله لما اقولك الأول
بس هو قالى انه هيستنى ردك
وانه واخد الموضوع جد وحقيقى عايز يتقدملك ويتمنى توافقى 
سندس على ايه كل ده مكانوش مرتين كلمنى فيهم وفى المرتين كنت بتكلم على انى انتى وسمعته كلام مش حلو خالص
انا مش فهماه 
منة ولا انا طيب ما توافقى
سندس اوافق على ايه انتى اتجننتى يا منة اوافق على واحد كان عايز يتقدملك
ليه يعنى ضاقت بيا الدنيا ومن قلة الرجالة فى البلد هوافق
منة مش لازم توافقى عليه
وافقى انه يجى على الأقل نعرف متقدملك ليه 
وبعدين مينفعش بعد اللى عملناه نرفض انك حتى تشوفيه
شوفيه ولو بعدها حبيتى ترفضى ارفضى 
هتحرج اقوله انك مش موافقة ده انا معرفتش اقوله لما كنت انا اللى مش موافقة هعرف اقوله وانتى اللى مش موافقة وانا محروجة منه بعد ما عرف اللى عملناه 
سندس خلاص خليه يجى 
منة تمام بكرة هديله رقم بابا
بعد خمس ايام
سندس هو احنا متقابلناش قبل كده 
زياد بابتسامة دى اقدم جملة فى تاريخ الشقط دى من ايام الملك فاروق طب جددى طيب
سندس افتكرتك انت بتاع المحفظة 
زياد بالظبط انا بتاع المحفظة 
سندس پصدمة يا سواد الحلل عليا هو انت طلعت زياد
يا نهار ابيض هو انت كمان