ادمنت قسوتك بقلم ساره علي

ان علاقتك بكريم مش عارفين تفاصيلها لحد دلوقتي
شعرت مايا بالحرج منها فقالت بخفوت 
عارفة 
أكملت منى 
بس انتي خلاص بقيتي امر واقع
وكمان حامل يعني احنا مضطرين نعترف بالجوازة دي عشان حفيدي اولا قبل كل شيء
مش فاهمه
قالتها مايا بعدم فهم لتشرح لها منى 
انتوا لازم تعلنوا جوازكم وتعملوا فرح كمان عشان الولد يجي فظروف طبيعية انا مش هسمح لحد يجيب سيرة ابني او حفيدي على لسانه وانتي بردوا مش هتسمحي بده 

تطلعت مايا اليها بحيرة ثم قالت 
حضرتك احنا متجوزين على سنة الله ورسوله يعني معملناش حاجة غلط 
ردت الام بتهكم 
وهي الجواز فالسر مش غلط
انا اهلي
عارفين على فكرة 
قالتها مايا بنبرة دفاعية لتقول منى بتعجب 
عارفين وموافقين
اومأت مايا برأسها بخجل لتكمل منى بتهكم 
اول مرة اشوف حد كده
ثم اكملت
على العموم انا قررت خلاص فرحكم كمان
عشرة ايام 
حضرتك لازم تاخدي رأي كريم
قاطعتها بنبرة جادة 
ابقي قوليله انتي
ثم نهضت من مكانها وقالت 
ةكمان جهزوا نفسكم بعد الفرح هتسكنوا معانا فالفيلا اكيد انا مش هسمح لإبني يعيش بعيد عني
ثم تحركت خارج المكان تتبعها مايا الى خارج الشقة ثم ودعتها وهي تفكر بأنها عليها تحمل والدة كريم ايضا ليس كريم لوحده 
اقتربت مايا من كريم وأخذت تهزه من ظهره توقظه ليستيقظ بعد لحظات وهو يقول بنعاس 
فيه ايه
ردت مايا بسرعة
مامتك كانت هنا 
اعتدل كريم في جلسته وهو يفرك عينيه بأنامله قبل ان يهتف ببرود 
كانت عايزة ايه
اجابته مايا بتهكم 
كانت بتبلغني بمعاد الفرح
فرح مين
سألها كريم بعدم فهم لتجيبه بسخرية 
فرحنا
رفع حاجبه غير مصدقا وهتف 
بتهزري
وانت شايف ده وقت هزار
زفر كريم أنفاسه وقال بضيق 
وقالت ايه كمان
اجابته وهي تجلس بجانبه على السرير 
قالت لازم ننتقل للفيلا بعد الفرح كريم انا مش حابة اعيش هناك
تنهد كريم بحيرة وقال 
انا كمان مش حابب بس مش عايز اكسر كلمة امي
بس ده قرارنا على ما اظن
انا هحاول اقنع ماما بموضوع سكنا بالفيلا
طب ولو مقتنعتش
اجابها كريم ببساطة
هنعيش بالفيلا
بالبساطة دي
اوما كريم برأسه وقال 
اه بالبساطة دي عندك مانع
أشاحت مايا راسها بضيق ويهتف بجدية متطلعا بعينيها النافرتين 
اسمعيني يا مايا كلام امي واحد ميتكررش
انتي فاهمه
فاهمه
ثم نهضت من مكانها وهي تتأكد للمرة الالف بان كريم لا يناسبها ولا يستحقها ابدا 
في احدى الجامعات
الحكومية
كانت نايا تجلس مع مجموعة من صديقاتها تتحدث معهن وتضحك حينما جاء حسن واشار لها ان تتركهن وتأتي معه
نهضت نايا من مكانها واتجهت نحوه وعلى شفتيها إبتسامة واسعة اقتربت منه وسالته 
بتعمل ايه هنا
اجابها 
خلصت محاضراتي قلت اجي اشوفك
اومأت برأسها بتفهم ثم قالت 
انا كمان خلصت محاضراتي
ثم أخذا يتحدثان سويا ويضحكان
ومن بعيد كان يشاهدهما بملامح غاضبة
همس صديقه له بسخرية 
مش قولتلك انهم بيحبوا بعض شفت بعينك اهو
كز الاخر على أسنانه بغيظ وقال 
شفت بس لو فاكر اني هسيبهم تبقى غلطان 
هتعمل ايه
سأله صديقه بعدم فهم ليرد عليه انا بحب نايا بحبها اووي وهاخدها منه يعني هاخدها 
قالها بإصرار عجيب قبل ان يكمل 
هتشوف هعمل ايه
صمت صديقه ولم يعقب فهو يعرف جيدا ماذا بإمكان صديقه ان يفعل
جلست مايا امام منى تتطلع الى المجلة التي تحوي فساتين الزفاف بتمعن
كانت فساتين راقية للغاية صممها أشهر دور الازياء في العالم 
اختارت مايا احد الفساتين الرقيقة والذي للعجب نال استحسان والدة كريم التي سألتها فجأة وسط حديثهم 
هو انتي وكريم اتجوزتوا عن حب
شعرت مايا بالاحراج ولم تعرف ماذا تقول بينما أكملت منى
متفهمنيش غلط
بس كلنا قلنا مستحيل كريم يحب مرة تانية بعد جوليا 
جوليا مين
سألتها مايا پصدمة لترد منى 
هو كريم مقالكيش انه كان متجوز قبل كده ومراته اسمها جوليا 
لا مقليش
طب وهي راحت فين
تلعثمت الام في حديثها وقالت
انفصلوا من زمان ومن ساعتها كريم مش عايز يتجوز
تطلعت مايا اليها بشك بينما اكملت الام بسرعة محاولة تغيير الموضوع
ايه رأيك بالورد ده مع الفستان جميل مش كده
اومات مايا برأسها وهي تفكر بأن هناك سر خفي يجب ان تعرفه
الفصل الرابع عشر
رن جرس الباب فأسرعت مايا لفتحه لتجد كريم في وجهها
رمته بنظرات غامضة بينما القى هو التحية عليها ودلف الى
الداخل
هوى بجسده على الأريكة وقال 
كان يوم متعب اووي
اقتربت منه وجلست بجانبه وقالت بدون مقدمات 
هو أنت كنت متجوز قبل كده
تنهد بصوت مسموع وقال 
هي ماما لحقت تحكيلك
ردت مايا بسخرية
هي غلطت تقريبا وقالتلي مقتطفات عن الموضوع
ثم اردفت بنبرة غاضبة
بس إنت ازاي متحكيليش عن الموضوع ده
بصي يا مايا انا تعبان ومش طايقك اصلا
فابلاش تعملي شغل الستات
النكدية ده وتقعدي تسألي وكده
نهضت من مكانها وتخصرت قائلة 
والله كلامي بقى شغل ستات نكدية طب انا مش هسيبك النهاردة الا لما تحكيلي كل حاجة مش كفاية انك خبيت عليا انك كنت متجوز 
وهتفرق معاكي فإيه لو كنت قولتلك
قالها ببرود ولا مبالاة لترد بجدية 
كانت هتفرق كتير
زفر كريم انفاسه بضيق بينما سألته مايا 
مين جوليا وطلقتها ليه
احمرت عينا كريم لا اراديا حينما عادت ذكرى جوليا اليه اخر ما تمناه يوما ان تعود تلك الذكريات اليه من جديد
فهو قد عاهد نفسه الا يتذكرها مرة اخرى سيعتبرها كابوس وانتهى من حياته كابوس ذهب بلا رجعة 
ولكن مايا يبدو انها مصرة على اعادته الى حياته مرة اخرى بعدما ظن