عشق القلوب

غير مصدقه فتنظر الي صديقتها..... 
حتي تقول ريما بتعجب مستغربه ليه كده وانا الي قولت أجي اساعدك 
فتتطلع مريم الي صديقتها قائله بس أنتي لسا ميعاد شغلك ياريما 
فتنظر ريما اليها قائله وتفتكري هتقدري تخلصي تنضيف المطعم كل ده لواحدك اسكتي بقي وبلاش رغي ولا انتوا المصرين كده ديما بتحبوا تتكلموا كتير 

فتبتسم مريم قائله بحنان معلشي يا انسه ريما استحملينا ده حتي احنا برضوه اشقاء 
فتقترب منها ريما لټحتضنها من ساعة ما اتعرفت عليكي وحبيتك بقينا اخوات قبل ما نكون اصدقاء ديما واقفه معايا متجهلتنيش زي بعض الناس عشان انا متحرره ومعرفش حاجه عن ديني أو لأني انسانه مستهتره بالعكس ديما بتوجهيلي النصيحه والكلمه الطيبه علي قد ما بتقدري ثم تابعت بالحديث قائله بصوت عالي مستر جون !
فتفزع مريم من سماع ذلك الاسم وعندما ألتفت حولها كي تبحث عنه بعينيها .. كانت ضحكات ريما تخبرها عن تلك المزحه السخيفه التي ارعبتها 
........................
وعندما ارتخي بجسده قليلا في ذلك المسبح الرخامي الذي تنبعث منه المياه بتدفق من كل الجوانب اعلن هاتفه عن رسالة نصيه ليتأمل تلك الرساله التي تحتوي علي كلمه واحده وحشتني .... ساره 
فيلقي يوسف بهاتفه جانبا بعدما مد بيديه الي ذلك المشروب الذي يشبه عصير التفاح ولكنه بمذاق الكحول الكريهه فتناوله دفعة واحده ليغطس بجسده بقوه تحت هذه المياه الرطبه ويرفع برأسه سريعا وهو يزيل خصلات شعره الأسود الناعم التي تناثرت بعبث علي وجهه ويخرج بعدها ليمسك بمنشفته بعدما أرتدي ذلك البورنص ويسير صاعدا الي غرفته كي يستعد لتلك العزومه التي أعدها أمجد له هو وزوجته سالي ... 
.......................
وعندما توقف محرك البحث علي تلك الصوره التي تجمعه مع أحداهن أطلق صفيرا عاليا ليقول طبعا ما أنت عايش في عز محدش يحلم بيه لازم تبقي ديه حياتك وكل الستات تبقي تحت بس أشارتك يايوسف باشا 
ليدلف صديقه طارق الي دخل الحجره التي تضم مكتبين في ذلك البنك قائلا استاذ مصطفي عايزك يا أحمد
فيتطلع أحمد اليه بعدما أغلق حاسوبه الشخصي أنت ليه يابني ديما بتطلعني من العالم اللي أنا فيه للهم اللي إحنا فيه
ليرفع صديقه برأسه بعيدا عن تلك الملفات التي أنكب عليها قائلا  
الهم الي أنت فيه ده شغلك وكمان فين الهم أنت بتشتغل في اكبر بنك عالمي في القاهره غير أن أنت نسيت كنت قد ايه بتحلم واحنا لسا طالبه في الجامعه أننا بس تجيلنا فرصة تدريب فيه مش وظيفه 
فيتطلع اليه احمد قائلا لاء منسيتش ياسيدي بس لما ابقي شايف حياه وعالم تاني ناس عايشين فيه فأكيد هنسي أحلامي الضئيله ياسيدي وهدور علي أحلام أكبر
فيتطلع طارق اليه بنصف عين طبعا ما هو أخو الملياردير يوسف أدور اشهر رجل أعمال في أوروبا وأمريكا شمالها وجنوبها لازم يبقي طموحه أكبر من كده 
فيضحك أحمد قائلا وهو يهندم رابطه عنقه شوفت عشان لما أقولك من كرم أخلاقي أنك تبقي صديقي 
ويرحل أحمد من أمام صديقه كي يذهب الي مدير عمله فيتنهد طارق قليلا ويعود الي عمله ثانية ..
......................
كانت نظراتها الراغبه له تحاوطه كان يظن سابقا أنها نظرات أعجاب وفقط ولكن مع كل مره كانت نظراتها تلاحقه تثبت له أنها نظرات أنثي راغبه فهو يعلم تماما هذه النظره فكيف لرجلا مثله لا يفهم مثل هذه النظرات. 
فتقترب منهم سالي وهي تحمل فنجانين القهوه المعده لهم بجسدها الممشوق وفستانها الأحمر الضيق الذي يفصل جسدها وبرغم من طوله ولكنه أصبح وكأنه عاري... ليقول أمجد طبعا أنت عايز حاجه تانيه غير القهوه بس أنسي 
فيبتسم يوسف قائلا وهو يحمل فنجان قهوته تسلمي ياسالي
لترتسم البسمه علي وجه سالي .. حتي يقول ههه لا أنا دلوقتي محتاج قهوه وياسيدي أنا عارف أنك مبتشربش ولا أنت ولا سالي عشان من المحرمات 
فينظر اليه أمجد قائلا وده المفروض أن أنت كمان تعمله يا يوسف 
ليبتسم يوسف وهو يتطلع الي زوجة أبن عمته جوزك ده خنيق اوي ياسالي انا مش عارف ليه لسا لحد دلوقتي مستحملاه 
فتنظر اليه سالي قائله تصدق يايوسف ده بقي معترض علي كل لبسي حتي طريقه لفي للحجاب بقي معترض عليها مع ان الموضه كده بجد أمجد بقي فظيع 
ليتطلع اليها أمجد بحنق يادي الموضه الي بقي كل أهتمامك عليها انتي مكنتيش كده واحنا في مصر علي العموم أنا مش بجبرك أنا بقولك الصح ثم تطلع اليه قائلا للأسف بنحب أوي نتمتع في الحړام وبننسي الحلال مع انه أجمل وأحلي 
فيضحك يوسف بشده لتشاركه سالي نوبة هذا الضحك قائلا هو أمجد أنت في كندا يعني مش في مصر حتي مصر برضوه يعني كل الأمور بقيت عاديه والتحرر بقي شبيه بالدول الأوربيه
فيبتسم أمجد لهما قائلا الواحد بيندم علي كل لحظه بجد كان جاهل فيها بدينه ديما بنحب أوي نتثقف ونفهم في الأمور الدنيويه وده شئ مؤسف 
وقبل أن يتكلم أمجد ثانية جاء طفلهما وهو يحمل لعبته