حب مستحيل ساره اللومي

و شفته داخل الجنينة قلت لطنط انا هقوم اتمدد تعبانة و ممكن انام بدري عشان نصحى بدري نحضر شوية حلويات زي ما طلبتي مني
لا معليش خليها اليوم اللي بعده احسن الجو حر اخاڤ تبوظ ارتاحي انتي اليومين دول .
قلت في سري احسن و الله حاكم انا مش على بالي لا تحضيرات و لا غيرها و مش شاغل بالي غير ابنكم اللي حاله اتقلب يا رب بس تسترها من اللي جاي !!

روحت عالاوضة قالت لي حياة اسبقيني انتي انا هاخلص المواعين دي و الحقك ..
دخلت و الدفتر بتاعي كنت هاكتب كدة حاجة جات على بالي يا دوب هاقلع الطرحة لقيت حد واقف فالشباك و بيهمس بسمة!! بسمة انتي نمتي ولا ايه !! عدلت الطرحة و قمت عالشباك مڤزوعة
هو ايه ده ! مش تخبط ولا تحمحم ولا مش عارفة ايه !!
ابتسم لي بمكر ڠصب عني أصل مفيش وقت هاستناكي الصبح بدري في الجنينة ضروري تجي عندي كلام مهم عايز اقولهولك
قلتله ببرود مش جاية و بطل تلاحقني في كل ركن انت مش مراهق !
اعمل ايه بس ما انتي منشفة ريقي حتى بص مش راضية تبصي ناحيتي ! هاه استناكي !
سمعت صوت حد جاي الاوضة طيب طيب خلاص رووح بقى هتفضحنا!!
طلع جري عالجنينة و انا رجعت مكاني بضحك عليه اموت فيك يا مچنون !
صحيت الصبح على صوت باب الجنينة بيتفتح كان وقت الصبح طليت من الشباك لقيته داخل و بيبص في الساعة ..قلت في نفسي الواد ده أكيد مچنون لو حد شافنا هتبقى فضيحتي بجلاجل خليه يستنى مش رايحة كملت نومة و صحيت لقيتها 7 قلت يمكن روح لما شافني ما طلعتش روحت الجنينة اجيب فاكهة لقيته جاي ناحيتي بلهفة اتاخرتي ليه 
طلعت عالجنينة ببرود راحت عليا نومة و بعدين انا مكنتش جاية ليك اصلا قلت تكون روحت جيت اخذ تين
اتنرفز و كان هيزعق بس اعصابه بالعافية ما تجيش ده ايه ! اقله انتي نمتي و ارتحتي أقول ايه انا بقالي يومين من غير نوم
عملت نفسي عبيطة و قلتله باستفزاز و انا مالي انا اللي قلتلك ما تنامش
قالي بتوهان و هو مالك ازاي بقى و انا كل ما اغمض عيوني اشوف طيفك قدامهم !
بعدت لورا و رديت عليه بعصبية شفت بقى انا مكنتش جاية ليه عشان حضرتك كل ما تشوفني تنسى نفسك معايا و انا الحركات دي مش بحبها !
مني تاني و ايديا ما عرفتش افلتهم ڠصب عني و الله !! حتى انا مش عارف مالي ! انتي كأنك سحرتيني من ساعة ما شفتك و انا مش عارف اتلم على نفسي مش عايز ابعد عنك دقيقة وحدة !! واحشاني حتى و انتي معايا
شلت ايديا من ايديه و قمت بحاول اصده عني انت نسيت نفسك ولا ايه و بعدين ايه واحشاك دي و انت شايفني اول امبارح بس 
بسمة حاولي تفهميني صحيح انا لسة شايفك من يومين بس و الله حاجات كثييييرة اوي اتغيرت في اليومين دي و الله العظيم انا نفسي مش عارف ايه اللي بيحصل لي! عارف انك مش مصدقاني بس أقسم لك يا بسمة اني حاسس كأننا نعرف بعض من سنين !! جواي حاجات مش عارف اعبر عنها اصلا لانها اول مرة بتحصل معايا !
يتبع
عارف انك مش مصدقاني بس أقسم لك يا بسمة اني حاسس كأننا نعرف بعض من سنين !! جواي حاجات مش عارف اعبر عنها اصلا لانها اول مرة بتحصل معايا !
طبعا انا كنت مصدقاه جداااا و متأكدة من كل كلمة كان بيقولها لأنه ده بالضبط اللي حصل معاي اول ما شفته!
و كنت فاكرة أنه مجرد اعجاب و انجذاب مش اكثر بس لقيتني باڠرق فيه يوم بعد يوم! كنت واقفة تايهة مش عارفة اتصرف ازاي ولا أقول ايه ! كان مزيج من الاحاسيس بتتدافع جوايا عايزة تطلع فرحانة و زعلانة و خاېفة و متوترة و حاجات كثير متناقضة !
فرحانة لأن حلمي أخيرا اتحقق اه انا حلمت باللحظة دي و استنيتها طول عمري ! محمد حب حياتي حلمي و أملي واقف قدامي و كله لهفة و بيصارحني بالحاجة اللي عمري ما اتمنيت في الدنيا غيرها ! انا سحرته !!! انا واحشااااه !!
طب ليه الزعل ما دام ده اللي كنت متمنياه يحصل ليه حاسة بتأنيب الضمير اوي كدة ! لانك عارفة أنه عمره ما هيكون ليكي ! عارفة أنه متجوز و مع كدة ظهرتي في حياته و قلبتيها فوقاني تحتاني لو كنتي بتحبيه بجد كنتي فضلتي مستخبية احسن لك و احسن له ! عارفة انك غلطانة يا بسمة
خاېفة من اللي جاي لدرجة اني مش عارفة أستمتع باللحظة دي معاه مع انها كانت مناي !! لحد امتى هيفضل القدر