روايه مكتمله كامله

يعنى انتى كمان ...طب قوليها فرحى قلبي بيها ..
ماسه بابتسامه لرؤيتها الفرحه فى عينيه 
أغمضت عينيها وبصوت رقيق بحبااااااااااك 
قام ساجد واحتضنها ...وانا بعشقك ياروح قلبي
وان شاء الله نخلص الشغل هنا ونرجع مصر نكتب الكتاب ...علشان تكونى حبيبتى وزوجتى وكل ما ليا ....
عند سعيد 
سعيد يادى المصاېب اللى بتتحدف عليك يا سعيد ..الناس هتاكل وشي دورت على البت فى البلد كلها مش لقيها ...اعمل ايه ...هقول ايه للناس ...
سميحه لا تقول ولا تعيد ...قول رجعوا بلاد برا 
علشان يكملوا تعليمهم ...وبمرور السنين هيتنسوا 
سعيد وشرفي يا وليه ...
سميحه بقولك ايه ..انسي بقي الكلام دا وركز معايا ...
كدا البنتين مش موجودين ...وبعد عملتهم دى اكيد مش هيرجعوا 
سعيد اخلصى عايزة تقولى ايه ...انا مش فايق ليكى ..
سميحه عايزة اقولك ...أن كل حاجه هنا بقت لينا 
وانت الكل فى الكل ...الأراضى ..والمركز
الطبي 
والصيدليه ...كله بقي ملكنا يا سعيد ...
ومحدش هيلوم علينا ...انت هتكون قدام الناس 
بتراعى حاجة اخوك علشان بناته 
لكن فى الحقيقه بناته بح ...وكل الخير هيكون لينا 
سعيد بس افرضوا رجعوا فى يوم من الايام 
سميحه مالهومش عين يرجعوا ..
سعيد والدنيا تلمع فى عينيه كلامك معقول برضو 
سميحه يبقي ..يا سيد الناس لا تدور على حد ولا تشغل بالك ...احنا عايزين الناس هنا تنساهم . ...
فى صباح يوم جديد على أبطالنا
تستيقظ صبا على صوت طرق الباب
تعتدل فى سريرها 
صبا ادخل 
شاكر صباح الخير يا بنتى ...نمتى كويس 
صبا صباح الخير يا جدو ...ايوا الحمد لله 
شاكر طب يلا ...عايزك تدينى كل بيانتك 
وبيانات عمك .... 
صبا حضرتك هتعمل ايه ..انا خاېفه منهم 
شاكر اطمنى ...محدش هيقدر يوصل ليكى 
انتى هنا فى حمايتى ...
هنبدأ انى اسحب ملفك من المدرسه ونقدم ليكى هنا ..وبعدين نشوف المدرسين اللى انتى محتجاهم 
صبا بس كدا هتعب حضرتك معايا ...
شاكر مفيش تعب ولا حاجه ...
احتضنته صبا بحب ..ربنا يخليك ليا يا جدو ...
مع دخول عمر 
عمر الله الله ..واضح أن جدو واكل الجو هنا ...
شاكر بس يا ولد يا بكاش ....المهم هات ورقه وقلم واكتب اللى صبا هتقوله ...
احضر عمر الورقه ...قولى يا صبا عايزانى اكتب ايه 
شاكر اولا اسمك بالكامل ومدرستك والعنوان 
صبا اسمى صبا محمد عز الدين مدرستى. ...وعنوانى .........
شاكر والدك كان دكتور صيدلى 
صبا باستغراب ايوا ...وحضرتك عرفت منين 
شاكر والدك يبقي ...........يتبع
البارت 11و
بعد أن بدأ عمر بتدوين ما تقوله صبا ...
شاكر والدك كان دكتور صيدلى 
صبا باستغراب ايوا وحضرتك عرفت منين ..
شاكر والدك يبقي اكتر واحد ليه فضل عليا ...
من حوالى 15 سنه ....كنت فى كندا بعمل صفقه ادويه لشركاتنا ..وفروعها فى مصر ....وفى اليوم دا لحسن حظى حسيت بدوخه قبل ما اوصل الشركه
دخلت الصيدليه ...وكان والدك هو الدكتور الصيدلى اللى فيها ...عاملنى احسن معامله وادانى علاج ريحنى ...قولت ادردش معاه بخصوص الصفقه الجديدة
فلاش باااااااك
شاكر حضرتك ايه رأيك فى العلاج دا ...بيقولوا دا هيعمل ضجه فى عالم الدواء ومفعوله سريع وسعره معقول ...
محمد ممكن اعرف مكوناته ايه وبيعالج ايه بالظبط ...
شاكر انا معايا علبه منه ...اتفضل يا دكتور ...
محمد هو حضرتك المفروض توقع على صفقه الشراء امتى 
شاكر النهارده ..كمان ساعتين 
محمد ممكن تتحجج بأى شكل وتأجل الشراء لبكرة فقط ...
شاكر ليه بس ..دا حتى خير البر عاجله ...
محمد انا عندى معمل صغير ...ادينى بس اليوم دا هحلل مكوناته واعرف تفاصيله ...قبل ما توقع واقولك يستاهل ولا لأ 
ما اكدبش عليكم ...جوايا كنت مستعجل أنى اروح واوقع عقد الشراء ...لكن قولت فى بالى ...يمكن ربنا خلانى اتعب وحط الراجل دا قدامى لحكمه لا يعلمها الا الله وبالفعل نفذت كلامه ...وأجلت لليوم التانى ...مر اليوم وانا متشوق اعرف النتيجه روحت ليه ..وانا حاسس أنه هيقولى روح وقع العقد على طول وخصوصا أن الاعلانات للدواء دا كانت مكسرة الدنيا ...دواء للتخسيس خلال شهر بينسف كل الدهون ..لكن كلامه كان صډمه بالنسبه ليا ...
شاكر ازيك يا دكتور محمد ...ايه الاخبار 
محمد الاخبار مش تمام يا فندم ...ممكن حضرتك تيجى معايا جوا ....دخلت معاه غرفه ملحقه بالصيدليه ...وكانت عبارة عن معمل ..
وأخرج قرص من الدواء ..ووضعه على لوح زجاجى
ووضع عليه حاجه كدا زى المياه ...وقالى انتظر حوالى نص ساعه ...وشوف بنفسك ..
بقيت مستغرب ..ومش عارف انا بسمع كلامه ليه 
وبالفعل انتظرت نص ساعه ..وكانت المفاجئة ..أن 
القرص بدأ يظهر فيه حاجات بتتحرك ...وكانت عبارة عن نوع من الديدان ...
شاكر دى ديدان !!! 
محمد بالظبط كدا ....دا نوع من أنواع الديدان بتتغذى على طعام الإنسان فى الأمعاء ...وبالتالى الإنسان ما بيستفدش بأى اكل بياكله .وبالفعل هيخس جدا ...لكن هيفضل عايش لحد ما الديدان تتكاثر وعددها يكون اكتر من كميه الاكل اللى بياكلها ..بعدها ..ختتغذى على أجهزة الجسم الداخليه مما تؤدى للۏفاة ....ومحدش هيربط دا 
بالتخسيس طبعا ...
شاكر اللى بتقوله دا كارثه !
محمد لما سألت حضرتك عن اسم الشركه اللى بتتعامل معاها ...شكيت .وعملت سيرش وشكى كان فى محله ...دى شركات وهميه بتديرها ...ماڤيا الدواء ...
شاكر طب ايه العمل دلوقتى ...
محمد حضرتك واضح انك انسان محترم ..وتخاف ربنا ..حرام تدخل الدواء دا فى مصر وتكون السبب فى هلاك الناس اللى هتستخدمه ..وانا من هنا هقدم شكوى ...عن الدواء دا ...
عودة من الفلاش 
ومن اليوم دا جميله كان فى رقبتى ...وكنت بكلمه على فترات اخد رأيه ...بس زى ما انتى شايفه ..كبرت ..وانقطعت اخبار والدك ...
وخليت ابنى مصطفى وهو مرة فى كندا يسأل عنه 
بعدها عرف ..بموضوع الحاډثه ..رحمه الله على والديكى...
صبا ربنا يرحمهم ...وينتقم من اللى عمل فيهم كدا 
النيابه أكدت أن الحاډثه بفعل فاعل...بس فى الاخر 
اتقيدت ضد مجهول ...
شاكر ماتشليش هم اى حاجه ...قوليلى فين اختك 
وانتم الاتنين هتكونوا تحت مسئوليتى ..انتم زيكم زى احفادى بالظبط ...
صبا اختى سافرت شغل ...ومش
عارفه هترجع امتى ......
عند ابراهيم 
سميحه الو ..ايه يا سي ابراهيم 
ابراهيم عايزة ايه يا ست انتى 
سميحه احنا هنستعبط ولا ايه ..ايش حال كنا طبخينه سوا ...عايزة حلاوتى ..احسن ودينى وما أعبد ...اعرف سعيد والبلد كلها ..انك انت اللى خطفت البت ...
ابراهيم انتى شكلك اتجننتى ..واوعى تكونى بتضحكى عليا ..وانتى اللى بعتى الواد اللي خادها 
دا انا لحمى مر ومحدش يضحك عليا ...
سميحه واد مين وزفت مين ...البت كان فى الدرس ..وانت اللى روحت ليها ...
ابراهيم انتى ما بتفهميش البت هربت مع الواد اللى كان معاها ..وبقولك ايه انا روحى فى مناخيرى
ما تتصليش تانى احسن اخليكى تلفى حوالين نفسك ...واغلق الهاتف فى وجهها 
ابراهيم حسابك معايا يا سميحه انتى وصبا ...
سميحه ايه اللى بيقول دا ...معقول البت فعلا هربت ...يادى المصېبه ...احسن ترجع تانى تدور على حقها .... 
عند مروان 
مروان كامى حبيبتى ...عامله ايه النهارده 
كاميليا انا كويسه الحمد لله ..وانت 
مروان انا كويس