روايه جديده ورائعه بقلم تسنيم المرشدي
المحتويات
كتير
_ أميرة اكتفت بإبتسامة رقيقة ومشت بخطوات سريعة عشان تبعد عنه وبعد لف وتدوير وصلت للاوضة خبطت علي الباب بهدوء ولما مسمعتش رد اتحرجت تدخل وقررت تقعد برا الاوضة لغاية ما حد فيهم يظهر ..
_ اتفاجئت بصوته قريب منها بيسالها
قاعدة برا ليه
_ أميرة رفعت عيونها عليه وقامت وقفت وردت عليه باستغراب
_ رد عليها بتلقائية
سألت في الاستقبال وقالولي رقم الاوضة
_ أميرة حمحمت باحراج وسألته بتردد
هو حضرتك محتاج حاجة يعني
_ عمر رد عليها بنبرة سريعة
لا كنت جاي اسلم علي مسلم واشوف لو محتاج حاجة
_ أميرة هزت راسها بتفهم وقالتله
والدة حضرتك بقت أحسن
أيوة دي حتي لما عرفت انك هنا كانت عايزة تيجي بس قولتلها يوم تاني عشان انتي تعبانة
_ أميرة ابتسمت بتكلف وقالت له
ربنا يخليهالك
عمر رد عليها بتلقائية
ويخليكي....
_ عمر استوعب كلامه وسكت فجاءة أميرة استغربت سكوته المفاجئ بس معلقتش الدكتور اللي بيتابع حالة رقية وصل قدام الاوضة وخبط علي الباب وانتظر سماحهم لدخوله ..
مسلم..
_ نادت عليه اكتر من مرة علي لما استوعب أن صوتها حقيقي مش في حلمه قام من نومه وبصلها وهي وضحت
الباب بيخبط
_ مسلم قام وقف وفتح الباب وسمح للدكتور يدخل ودخل وراه الدكتور بص لرقية وابتسم
الوضع شكله أحسن ولا أنا بتهيقلي
الحمدلله احسن
_ الدكتور بص لمسلم وقاله
تقدرو تخرجوا بس اهم حاجة الراحة وعدم الحركة الا للضرورة وياريت تنتظم علي الأدوية دي واشوفها بعد أسبوع
_ الدكتور ناول مسلم الروشتة وهو شكره الدكتور استأذن وخرج وأميرة استأذنت من عمر ودخلت الاوضة
صباح الخير
_ مسلم ورقية ردوا في نفس واحد
_ أميرة اترددت تبلغ مسلم بزيارة عمر بس مضطرة سحبت نفس واتكلمت بتردد
مسلم.. عمر برا
_ مسلم لوهلة مستوعبش مين عمر وسألها باستفسار
عمر مين
_ أميرة حمحمت وردت عليه بنبرة مهزوزة
عمر.. دكتور عمر اللي...
_ مسلم هز راسه وقالها
اه اه بس هو هنا بيعمل ايه
_ أميرة بصت له وملامحها مشدوده بإحراج
_ رقية ادخلت في الحوار وهي شايفة توتر أميرة
في ايه يا مسلم واحد جاي لك ايه المشكلة
_ مسلم بصلهم وخرج برا مد أيده يسلم علي عمر بترحيب
دكتور عمر اخبارك
_ عمر سلم عليه بود مبالغ
بخير الحمدلله عرفت من آنسة أميرة أن المدام تعبانة فقولت أسأل وأشوف لو محتاج حاجة
_ مسلم ابتسم واتكلم بنبرة ممتنة
لا أحنا تمام حتي هنخرج خلاص
_ مسلم نهي جملته
متابعة القراءة
