بدلت حياتي بقلم علا عبدالوهاب
المحتويات
فى وقت هو محتاجه فيه فعاوز ېحرق عليه التصميم عشان ميستخدموش فى شركة تانية
انا عندى تصاميم جديدة ومبتكرة ومتعملتش فى مصر قبل كده ولا فى اى حتة بس لو استاذ رفعت يدينى فرصة
تحدث أدم بثقة
اعملى اللى انتى عاوزه يا سما
اجابت سما معارضة
يا سلااام عشان استاذ رفعت يهزقنى
يا بت انا مديرك محدش يقدر يهزئك غيرى
فرفعت سما احدى حاجبيها فأبتسم أدم
بجد يا أدم !! اقصد يا استاذ أدم
فنظر لها أدم وابتسم
قولتلك انا أدم بالنسبة ليكى وبس مش عاوز اسمع استاذ دى تانى
فأرتبكت سما
اه اه طيب عموما بلغنى لما تقول لأستاذ رفعت
ماااشى يا تقيل
فشعرت سما بتوتر كبير فنظر أدم فى عيناها
من زمان نفسى اسألك سؤال
ايه
عينك دى عسلى طبيعى كده ولا انتى حاطة عدسات لاصقة
فنظرت لأسفل وشعرت بالخجل وقالت بلهجة شبه آمرة
ادم ع مكتبك
فأبتسم أدم
انا المدير ع فكرة
فنظرت له ورفعت حاجبها فتابع
اهااا امال ايه اى حد هنا يسمع كلامى بس انا محدش يمشينى الا سمااا
فتحدثت سما بنبرة صوت عالية قليلا
اااادم
انا داخل مكتبى اهو بطلى قلة ادب بقى البنات الفاضية دى اييه اول مرة تشوفى واحد امور معندكيش اخوات ولاد يا شيخة
ربنا يهديك
فكان أدم على وشك ان يدخل مكتبه فإلتف ونظر لهااا قائلا
ياااارب
ظهر على وجهها ابتسامة خاڤتة فدخل هو مكتبه وابتسم ايضا
بينما كان إياد فى مكتبه يفكر فى نهاال فقرر ان يذهب لها لكى يطمئن عليها وما إن وصل إلى مكتبها وفتح باب المكتب وجدها تنظر للنافذة وهى حزينة فقال بصوت هادئ
فحين سمعت صوته نهال مسحت دموعها بإنمالها ونظرت له ولكن اثار دموعها وعيناها الحمراء مازالت تبدو على وجهها فقالت بصوت خاڤت
نعم
فنظر لها إياد ووجد عيناها تبدو محمرة واثار للدموع بهما
انتى كنتى بتعيطى !!!
فإبتلعت ريقها ثم قالت بكذب
ا ابدااا
انا مش عاوزك تزعلى منى خااالص انتى اللى نرفزتينى بكلامك امبارح
وانت كمان ضايقتنى انا كنت مبسوطة انك بطلت تكلم بنات وبقيت بتاع شغل وبس
تحدثت نهال بعصبية
امبارح انت والزفتة اللى اسمها داليا دى انت حتى طلعتنى انام عشان يخلالك الجو معاها
اڼفجر إياد ضاحكا ثم قال
انتى مجنوووونة افهمى يا نهال
فإلتفت نهال للإتجاه الاخر وهى تشعر بالڠضب فمسك إياد يدها وجعلها تنظر له
اسمعى قبل ما تظلمى
سيب ايدى
ترك يدها وتكلم
اسمعى انا من اول ما جت داليا دى وانا مش مرتاحلها وكنت بشوفها وهى بتحاول تغرينى وعشان كنت صايع زى مانتى بتقولى قلت اتسلى شوية بس امبارح واحنا بنكلم ع ان التصاميم مخرجتش من البيت فمعنى كده اللى اخد التصاميم حد من البيت مش من بارة لأنه خدها ورجعها تانى
يعنى ايه
فى مرة كنت راجع البيت وداخل المكتب ولاقيت داليا جو فى مكتب بابا
انتى !! انتى بتعملى ايه هنا
ارتبكت داليا قليلا ثم قالت
إياد بيه !! ابداا انا بنضف المكتب
دلوقتى !!!!
ايوة حضرتك عارف اوامر يسرية هانم بقى اعمل ايه
فإبتسم إياد واقترب منها
بس ايه الحلاوة والجمال ده
فأحمر وجه داليا خجلا مصطنعا
إياد بيه مينفعش كده
فإقترب منها وهو يقول
امال ايه اللى ينفع بس
وحاول ان يمسك يدها فركضت داليا نحو الخارج وهو ظل ينظر لها ووضع يده خلف رأسه وهو يقول
امووووت انا فى التقل
نظرت له نهال بشك قائلة
وانت شاكك بقى ان هى اللى عملت كده وخدت التصاميم
ايوة
فزمت نهال شفتاها بعدم رضا
ايان كان انت قعدت تدلع فيها امبارح ومشتنى كل ده ليه
عشان بعملها اختبار
اختبار ايه
فهمتها اننا هنصمم تصاميم جديدة وهحط كاميرا فى اوضة المكتب ولو لاقتها خدت التصاميم دى هعرف انها هى اللى خدت التصاميم القديمة وهعرف ودتها لمين
فنظرت له نهال بصمت
امممم
عرفتى انا عملت كل ده ليه انا مش وحش يا نهال نفسى تفهمى ده كويس
تحدثت نهال بضيق
قولتلك شفتك بعينى معاها
فزفر إياد بأختناق شديد
وعمرك ما هتنسى ده !!
استحااااالة اعرف
بصى يا نهال انا هقولك كلمة ومش هكررها
ايه
انا اه ابان انى صايع وبتاع بنات وبحب اجامل البنات بشرب وبتنيل ع عينى واسكر ويمكن بعمل حاجات غلط مع بنات بس مش زى مانتى فاهمة انا بتسلى بس لكن مبعملش اكتر من كده
يعنى ايه
يعنى معملتش اى علاقة مع داليا او غيرها زى مانتى فاهمة هى تسلية وبس عاوزة تصدقى براحتك مش عاوزة برده براحتك انا فى كل الحالات اقل من انى افرق معاكى
قال كلماته الأخيرة بحزن شديد فظلت نهال تنظر له وهى لا تصدق تركها إياد وذهب مكتبه فشعرت بشئ من الصدق فى كلامه وشعرت بالضيق من نفسها ﻷنها دائما تظلمه
دون ان تستمع اليه فنفخت وجلست على مكتبها
كانت داليا تنظف غرفة المكتب الخاص ب عامر وعندما وجدت انه لا يوجد اى شخص امسكت هاتفها وما إن اجاب من اتصلت به فقالت
ايوة يا باشا
ايه فيه جديد
ايوة إياد بيه بيفكر انه
متابعة القراءة
