روايه جديده بقلم ليدي
المحتويات
وهمس في اذنها انما قوليلي ايه الحلاوه دي كلها
شعرت علا بالخجل الشديد ولم ترد عليه ثم وقفت وهمت بالهروب ولكنه استوقفها
خالد استني عايزك
علا ايه بقي
خالد عمر صاحبي عازمنا علي الغدا عنده بكره
علا بكره وانت قولتله ايه
خالد انا وافقت بصراحه مش عايزه يزعل مني
وبالمره تتعرفي علي مراته ايه رأيك
خالد احبك يامطيع انت ياقمر
ثم وقف واخذها من يدها وعندما وقفت شدها خلفه بيده وقال وهو يتجه الي غرفتهما
تعالي عايز اقولك علي كلمه سر
ودخل معها واغلق الباب
رواية رائعة للكاتبة ليدي الجزء الثالث
الحلقة 7
في اليوم التالي وفي موعد الغداء وصل خالد برفقه علا الي بيت صديقه عمر الذي استقبلهما بترحاب شديد هو وزوجته
التف الجميع حول مائده عمر التي كانت فخمه جدا تحتوي علي اصناف كثيره شهيه ومقدمه بشكل يفوق المطاعم الكبري
وبعد الانتهاء من تناول الغداء جلس عمر مع خالد في الصالون وبدأت علا في مساعده الزوجه
علا لازم اساعدك كفايه تعبك في الطبخ
الزوجه لا تعب ايه بس دا انتو شرفتونا النهارده والله
علا بس بجد انتي فنانه والله واكلك يجنن فعلا
الزوجه ولا فنانه ولا حاجه دي دراستي وشغلي كمان
علا بجد حضرتك مدرسه اقتصاد منزلي
الزوجد ايوه ..... يغني انا اعلم البنات عمل الحلويات وسنانهم توجعهم وحضرتك تعالجيهم ههههههههههه
الزوجه انا هدي
علا خلاص هنبقي اصحاب بقي ولازم تيجي تزوريني وتشوفي شقتي
ثم سمعت صوت عمر من الخارج الشاي فين ياجماعه
ابتسمت هدي وقالت طبعا لازم الشاي بعد الاكل علي طول
صنعت هدي الشاي وقدمته لهم ثم دعت علا للجلوس في غرفه اخري ليتحدثا بحريه اكثر
جلست علا مع هدي تتحدثان عن امور كثيره
علا مفاجأه ايه
اخرجت هدي اكياسا وفتحتها واخرجت ما بها
علا الله ايه الزينه الحلوه دي عندكو عيد ميلاد ولا ايه
هدي لا عيد جوازنا بعد تلات ايام ....... بصي الشمع ده ريحته تجنن
ثم اخرجت فستانا وقالت تاتاااااااااااااا
علا الله الفستان يجنن بجد
هدي انا اشتريته الاسبوع اللي فات وجبت لينسز وهغير لون شعري وهعمل نيو لوك
علا وطبعا هاتعملي اكل مخصوص
هدي اكيد..... هاعمل كل الاصناف اللي عمر بيحبها هيبقي يوم مختلف خاااااااااااالص
علا وهو هيعمل ايه بقي
هدي مش مهم يعمل حاجه المهم اني عارفه انه بيحبني وبيتقي ربنا فيا
اصل الرجاله مالهومش في الحاجات دي واصلا عمر بينسي حتي عيد ميلاده
بس انا بقي بعمل كل حاجه عشان اخليه اسعد راجل في الدنيا
عمر ده حبيب عمري كله
وبعدين حتي من باب حسن التبعل للزوج وكمان الحاجات دي بتكسر الملل
علا ربنا يسعدك يارب ياهدي
هدي ويسعدك مع خالد بجد هو يستاهل واحده زيك خالد انسان محترم ويستاهل كل خير
انتهي اليوم وشكرت علا هدي علي حسن استقبالها وسلم العروسان علي عمر وهدي وانصرفا علي وعد بزياره قريبه
كانت الايام تمر بسرعه وكانت علا دائما صامته لاتتحدث الا اذا تحدث خالد لترد عليه
وكان خالد يشعر بالضيق ولكنه كان يحاول اخفاء ذلك امام علا
وكان يحاول ان يجعلها سعيده دائما
انتهت الاجازه سريعا مابين زياره للاهل وزياره لجيهان اخت خالد وجاء يوم العوده للعمل
في الصباح استيقظ خالد مبكرا بينما كانت علا مازالت نائمه
اغتسل وارتدي ملابسه وغادر
وعندما سمعت علا صوت الباب يغلق استيقظت ونهضت من فراشها واغتسلت وادت صلاه الصبح وانهت بعض الاعمال المنزليه وذهبت الي المشفي
دخلت غرفه الكشف الخاصه بها وجدت باقه كبيره من الزهور ليس بها تلك البطاقه التي يكتب عليها اسم المرسل
دخلت الممرضه صباح الخير يادكتوره الف مبروك
علا صباح النور ياسوسن الله يبارك فيكي ....... مين اللي جاب الورد ده
سوسن معرفش انا جيت لاقيته
علا طب روحي علي شغلك انتي
خرجت الممرضه ودق الباب
علا اتفضل
محمود صباح الخير
علا صباح النور يادكتور
محمودمبروك يارب الورد يكون عجبك
علا هو حضرتك اللي .....
محمود ايوه انا اللي جبت الورد. حبيت اول حاجه تشوفيها هي الورد
علا متشكره اوي يادكتور
محمود ربنا يسعدك يادكتوره
علاوهي تنظر في الاوراق امامها عقبالك ان شاء الله
كان محمود ينظر اليها في حزن حتي نزلت منه دمعه سرعان ما مسحها حتي لاتلاحظها علا ثم غادر الغرفه فورا
اكملت علا عملها بشكل طبيعي وعندما قارب يومها علي الانتهاء رن هاتفها
علا ايوه ياخالد
خالد وحشتيني مووووووووووووووت
علا خالد..... انا ورايا شغل شكلك خلصت شغلك
خالد ايوه ياستي اخدت اذن وروحت البيت من الصبح
علا ليه
خالد عاملك مفاجأه تعالي علي طول يلا مستنيكي
انهت علا المكالمه واكملت عملها وعندما انتهت من العمل عادت الي البيت وجدت رائحه غريبه دخلت المطبخ مسرعه وجدت الفوضي تسود المكان
متابعة القراءة
