روايه جديده بقلم ليدي

ولميا فين
سهير لميا في عيد ميلاد سمر صاحبتها وكريم معاها
هاقوم اعمل حاجه نشربها
خالد بعد اذنك ياماما فنجان قهوه لوسمحتي
سهير من عنيا
علا استني ياماما انا جايه اساعدك
ذهبت علا مع سهير الي المطبخ وظل خالد وحيدا يفكر ويسأل نفسه
ياتري هاقدر استحمل كتير
هاقدر اعيش الحياه الجافه دي لحد امتي 
ياتري انا مستحمل اوي دلوقتي عشان انا لسه في بدايه حياتي مع علا بس

ممكن طاقتي تخلص في يوم طب علا هتفضل كده كتير 
كان يختلق لها اعذارا لانه يحبها ولا يريد الابتعاد عنها او ايقاف هذا الحب ولو للحظه واحده
وفي المطبخ
سهير مش هاتقولي مالك
علا ياماما مافيش حاجه
سهير بت .. انتي بتكلمي امك يعني اعرفك من غير ماتحكي يلا اتكلمي
علا خالد عايز يسافر اسكندريه
سهير ليه
علا بيقول شغل
سهير وبعدين
علا بس ... اتخانقنا عشان كده
سهير مش فاهمه يعني انتي مش عايزاه يروح مثلا 
علا اه ياماما كل الرجاله زي بعض بيقولو شغل عشان يبقو براحتهم ويعملو اللي هم عايزينه
سهير اما انك هبله صحيح ده خالد راجل محترم وبيحبك ازاي تشكي فيه
علا ياماما انا مش عايزه اعيش اللي عشتيه زمان انا مش حمل صدمات
سهير ياعلا جوزك بيحبك وبيتمنالك الرضا بلاش تنكدي عليه وتقفي في طريق شغله
حرام تجلديه بذنب غيره ياعلا
عيشي حياتك يابنتي واسعدي جوزك وانسي الماضي بكل مافيه 
يلا يلا الراجل قاعد لوحده وديله القهوه بسرعه
خرجت علا 
وكانت سهير تشعر بالحزن الشديد لما وصلت اليه حال ابنتها 
لعنت الماضي الذي ترك لها چرحا عميقا بقلبها 
ولكن الظروف هي التي ارغمتها ان تتجرع نصيبا من قسوه الماضي التي تكاد تعصف بحياتها مع زوجها 
اي رجل يحتمل زوجه معقده صامته حزينه لاتهتم به وتشك فيه وهو بريئ
رفعت اكفها ودعت ربها ان يريح قلب ابنتها وينسيها حزنها ويشفي المها
دخلت سهير الصالون وجدت علا تجلس وخالد يحتسي قهوته فوضعت العصير امام علا
سهير اشربي العصير ياعلا يلا 
علي ما لميا وكريم يرجعو ونتعشي سوا كلها نص ساعه وجايين
خالد خلاص ياماما اديني العنوان واروح اجيبهم عشان مايركبوش تاكسي دلوقتي
سهيرارتاح انت ياحبيبي هم زمانهم جايين
اخذ خالد هاتفه واتصل بلميا واخبرها انه سيأتي لاخذها فأخبرته العنوان وغادر خالد 
وجلست علا مع والدتها بمفردهما 
سهير ياعلا افردي وشك شويه قدام جوزك وابتسمي في وشه مالك كده
علا ياماما والله انتي بتفكريني بياسمين
سهير ياسميييييييييين اااه
علا ايه ياماما فيه ايه
سهير ابدا بس انا ملاحظه انك مديه لياسمين دور كبير شويه في حياتك 
ودي مطلقه ومچروحه لسه والمثل بيقول حرص وماتخونش
علا ايه ياماما ده ياسمين طيبه جدا وبتحبني كفايه اللي جرالها والله مسكينه
سهير هي برضه اللي مسكينه هو انا قولت انها بتكرهك ولا قولت قاطعيها انا بس اقصد انك ماتحكيلهاش كل تفصيله في حياتك الشيطان شاطر برضه زي ما بيقولوا
علا والله ياماما انتي ظلماها
سهير طب يلا قومي نجهز العشا علي ماييجو كلامي مش عاجبك انا عارفه
دخلت علا مع والدتها ليعدوا العشاء وفور انتهائهما حضر خالد ولميا وكريم وسلمت علا علي اخوتها والتف الجميع حول المائده لتناول الطعام
وبعد الانتهاء سلم الجميع علي خالد وعلا وغادرا وركبا سيارتهما وذهبا الي بيتهما
وفي اليوم التالي كانت علا تجلس علي مكتبها في غرفه الكشف الخاصه بها وكان يومها في المشفي قد اوشك علي الانتهاء رن هاتفها فردت
علا الو
خالد ايوه ياحبيبتي ازيك 
علا الحمد لله
خالد انا اسف اوي ياحبيبتي مش هاقدر اتغدي معاكي النهارده
علا وليه بقي 
خالد لازم اروح الموقع حالا في 6 اكتوبر وممكن اتأخر اتغدي انتي وانا هاكل اي حاجه مع زمايلي بس اوعي تنسي الفيتامين بتاعك اوك
علا طيب خلاص
خالد علي فكره انا اعتذرت عن سفر اسكندريه
علا ليه ماقولتلك خلاص عادي
خالد لا مااقدرش اعمل حاجه حبيبتي زعلانه منها 
مش عايز العيون دي تزعل ابدا تاني
علا طيب اللي تشوفه
خالد معلش مضطر اقفل عشان هنتحرك خلي بالك من نفسك ياحبيبتي مع السلامه
علا مع السلامه
اغلقت الهاتف ولكنه سرعان ما رن مره ثانيه
علا السلام عليكم
هدي وعليكم السلام وحشتيني اوي ياعلا
علا وانتي كمان والله عامله ايه ياهدي
هدي الحمد لله ..... بقولك ايه بما ان عمر وخالد هيروحو الموقع تعالي نتغدي مع بعض احنا
علا انا كنت هاروح اتغدي مع ماما
هدي ماليش دعوه انا هستناكي وبعدين صدقيني مش هتندمي انا هدلعك علي