روايه جديده بقلم ليدي

من ساعه ما رفضت العريس وبابا مشش طايقني وانا بتجنب واجهته خالص
علا بس عنده حق المفروض كنتي قاعدتي مع الراجل يمكن كان يعجبك
ياسمين يابنتي ده عنده بنت ومراته مېته وعايز واحده بقي تربي البنت وانا عايزه واحد يحبني ويكون رومانسي ويدلعني وادلعه ويكون كمان زي القمر وطول بعرض كده
علا حيلك حيلك دا هانلاقيه فين ده ان شاء الله 

نظرت لها ياسمين بعمق موجود صدقيني بس احنا اللي ساعات ما بنشوفش ياعلا
رن هاتف علا كان خالد يخبرها انه انهي مشواره وما اذا كانت تحتاج شيئ يشتريه لها قبل عودته للبيت
نظرت ياسمين في ساعتها يااااااااااااه انا اتأخرت ياعلا هامشي بقي
علا لسه بدري ياياسمين خليكي شويه 
ياسمين معلش كفايه كده ابقي تعالي مره بقي
علا ان شاء الله ............ بس انتي كنتي فين قريب من البيت 
ياسمين اااه في واحده اعرفها بتشتغل عند محامي كبير كان محتاج حد في الحسابات 
وقلتلها تقدملي من فتره
علا وعملتي ايه
ياسمين مافيش نصيب .. عايز حد عنده خبره مش اقل من خمس سنين
علا معلش خيرها في غيرها وان شاء الله تلاقي شغل
ياسمين ايوه ياعلا ادعيلي اصلي خلاص مش طايقه نفسي الشغل هيغير حياتي
علا ربنا معاكي
ياسمين سلام انا بقي واشوفك تاني
خرجت ياسمين وهي تعاني الحسره فخالد هذا كان يحتاج من تدلله وتشعره بحبها وتستميت حتي في طلب رضاه
وصل خالد البيت وجد علا تجلس امام جهاز الكمبيوتر الخاص بها تتابع بعض الابحاث العلميه 
القي المفاتيح والهاتف علي المائده
خالد السلام عليكم
علا وعليكم السلام
جلس بجوارها بتعملي ايه
علا دا بحث مهم اوي هيعمل تطور كبير في طب الاسنان
خالد وخلصتي 
علا لا خلاص اكمل بعدين ...... ثم اغلقت الجهاز
اقترب خالد منها وضمھا اليه وحشتيني اوي ............. ايه ماوحشتكيش 
علا صحيح انت كنت فين 
تنهد خالد انا كنت مع عمر وواحد صاحبه لسه راجع من بره عايز يعمل مكتب هندسي وعايزنا نشتغل معاه
علا وانت قلتله ايه
خالد والله مش عارف .. بس انا مستقر ولي وضعي في الشركه وبرضه الفرصه دي كويسه لسه هفكر وبعدين ارد 
انا تعبان اوي ماتيجي ننام
ذهبت علا للنوم برفقه خالد وتمدد كل منهم الي جانب الاخر ثم جلس خالد فجأه
خالد علا انا عايز اعترفلك
علا خير ياخالد
خالد وهو يتظاهر الخجل وبطريقه طفوليه المكرونه
علا المكرونه ااه مالها
خالد بنفس الطريقه مش انا اللي عاملها .... استري عليا ربنا يخليكي
اڼفجرت علا من الضحك اااه انا برضه مكنتش مصدقه ومين اللي عملها بقي
خالد بصراحه انا جبت كل المكونات وبدأت اعمل البشاميل راح مكلكع جامد ولما سلقت المكرونه بقت زي العجينه وصفيتها بالمصفاه بس برضه مانفعتش 
قلت احط ميه علي البشاميل لقيت منظره بقي فظيع 
قلت ما بديهاش اتصلت بماما تنجدني واخدت اللحمه المفرومه ورحتلها ورميت اثار الچريمه في الزباله
علا هههههههههههههه انا برضه لما دوقتها مكنتش قادره اصدق ابدا ان انت
خالد انا كنت عايز افرحك لما تيجي 
علا خالد كفايه انا تعبانه وعايزه انام
تركها خالد وهو يشعر بالضيق ونام
وفي صباح اليوم التالي ذهب خالد الي عمله وجلس علي مكتبه الهندسي يمارس اعماله
وفي التاسعه والنصف دخل عمر صباح الفل علي الناس المجتهده
خالد انت عندك ډم انت في حد ييجي الشغل متأخر ساعه ونص
عمر اصلي نايم الفجر امبارح
خالد ياسلام ليه بقي 
عمر مراتي ياسيدي كانت عاملالي حفله ال ايه بمناسبه ان ده ذكري اول يوم شوفنا بعض فيه 
بجد مش عارفه تعملي ايه ولا ايه وانا ما بفتكرش ولا تاريخ من دول 
امبارح بقي كان اكل ايه وشمع ايه و............... ايه
خالد هههههههههه طب المدير عايزك روح ورينا الرجوله قدامه بجد 
لما يسألك قوله معلش اصلي كان عندي ليله خضرا امبارح ههههههههه
خرج عمر وترك خالد يفكر
هل علا حقا علا لاتحبه هل تزوجته رغما عنها 
لا لا انها فقط لم تعش حياه طبيعيه لم تعرف طبيعه المعامله بين الزوجين فقط تحتاج الي بعض الوقت 
وان ما تفعله زوجه عمر ليس هو فقط مقياس الحب
هز رأسه ليتخلص من تلك الافكار السلبيه ورجع الي عمله
دخل عمر عاقدا حاجبيه
خالد ههههههههههههه
عمر اخرص خالص ...... انت عارف ان احنا