روايه جديده بقلم ليدي

انام لوحدي امبارح 
علا معلش انا كنت خاېفه علي ماما انت عارف انها تعبانه
خالد خلاص ياحبيبتي مش زعلان ..المهم انك وحشاني موووووت
ثم اخذها ودخلا غرفتهما
وفي الصباح ذهب خالد الي عمله وبدأ في مباشره عمله الهندسي حتي جاء وقت الراحه اليوميه نزل خالد متجها الي الكافيتيريا ليحتسي قهوته ولكنه وجد ياسمين تقف في زاويه قريبه من الكافيتيريا ويبدو علي وجهها الضيق والقلق 

فذهب اليها
خالد انسه ياسمين مالك خير 
ياسمين ازيك ياباشمهندس . والله متضايقه اوي موبايلي مش لاقياه الظاهر وقع مني الصبح في التاكسي وزميلتي اللي اعرفها هنا مجاتش النهارده عشان اتصل من تليفونها عليه يمكن يكون واحد ابن حلال لقاه ويرجعهولي
خالد طب خدي موبيلي اتصلي وان شاء الله خير
اخذت ياسمين الهاتف من خالد واتصلت برقمها ووضعت الهاتف علي اذنها كانت رائحه عطر خالد تفوح من الهاتف وكانت تستنشقها ياسمين بسعاده وتود لو قبلت الهاتف وضمته وليس الهاتف فقط !
ياسمين ردي بقي ياماما روحتي فين بس اهو جرس
الو
ياسمين ايوه لو سمحتي ده موبيلي
انتي مين ده موبيل بنتي انا
ياسمين ماما الحمد لله .هو انا نسيت الموبيل في البيت 
ايوه الموبيل لاقيته علي السرير
ابتعدت ياسمين عن خالد قليلا واكملت حديثها بصوت منخفض ماما لو علا اتصلت ماترديش عليها
ليه
ياسمين اصلنا مټخانقين . اعملي بس اللي بقولك عليه
تتخانقي مع علا دي بنت حلال
ياسمين خلاص ياماما بقي انا بتكلم من تليفون واحده صاحبتي سلام
اغلقت الهاتف واعطته لخالد متشكره اوي ياباشمهندس الحمد لله كنت ناسياه في البيت اصلي صحيت متأخره ومشيت بسرعه
خالد الحمد لله . انتي هاتروحي الكافيتيريا 
ياسمين اه يلا بينا
دخلت ياسمين ومن وراءها خالد وجلسا سويا وقبل ان يقف خالد ليذهب ليحضر قهوته استوقفته ياسمين
ياسمين وبعدين ساندوتشك اهو . افطر وبعدين اشرب قهوه اتفضل
خالد خلاص بقي ليه التعب ده هو كل يوم انا كده هتعود
ياسمين اتعود براحتك انا كل يوم هاعمل حسابك معايا
جلس خالد وبدأ في الافطار معها بس غريبه انك صحيتي متأخره ونسيتي موبيلك ولحقتي تعملي الساندوتشات
ياسمين هه ااه . اصل ماما هي اللي عملتهم قبل مااصحي من النوم
خالد ربنا يخليهالك
ياسمين ميرسي اوي
انهي خالد افطاره وذهب ليحضر فنجانين من القهوه ليتناولا القهوه سويا
وبعد انتهاء الوقت المحدد للراحه تعمدت ياسمين ان يسبقها خالد الي مكتبه ووقفت هي امام السلم وقبل ان تصعد الي اعلي وجدت شخص ما يقف امامها ويتفقدها من اسفل الي اعلي ثم اطلق صافره 
تأكدت انه هو صلاح الذي حدثتها عنه زميلتها مي
صلاح ايه ده القمر بقي يطلع بالنهار ويدخل شركتنا كمان 
ياسمين ايه ده حضرتك بتكلمني انا 
صلاح هو فيه قمر غيرك هنا وبعدين بلاش حضرتك دي انا اسمي صلاح
تركته ياسمين وصعدت السلم فتبعها
صلاح طب كلمه واحده بس انتي بتشتغلي هنا 
ياسمين ماتخلينيش اغلط فيك ابعد عني احسنلك
صلاح ليه القسۏه دي بس . داانا من ساعه ماشوفتك وانا مش عارف اتلم علي نفسي حتي قلبي عمال يدق حتي شوفي
ثم مد يده ليمسك يدها فأفلتت منه وصڤعته علي وجهه وذهبت
وضع يده علي وجهه وقال صاروخ . هاتروحي مني فين 
كانت علا تباشر عملها في المشفي واتصلت بخالد
خالد ايوه ياحبيبتي
علا انا خلصت بدري النهارده وعايزه اروح المستشفي اتطمن علي بابا
خالد ماتستني كمان ساعه اكون خلصت ونروح سوا
علا يعني علي مااروح البيت هتكون الساعه خلصت وارجع تاني وانت هتبقي جاي من الشغل تعبان خليني اروح ومش هاتأخر ان شاء الله
خالد خلاص ياحبيبتي روحي وخلي بالك من نفسك مع السلامه
علا الله يسلمك
استقلت علا تاكسي واتجه نحو المشفي 
دخلت وذهبت الي غرفه العنايه المركزه اولا لتري والدها قبل ان تذهب الي الطبيب
وعندما وصلت وجدت الغرفه خاليه ووالدها غير موجود علي سريره 
صدمت علا مره اخري واڼهارت وصړخت بابا
جاءت احدي الممرضات فيه حاجه ياانسه 
سألتها علا بلهفه وهي تبكي بابا فين ايه اللي حصل... كان في العنايه
الممرضه ااه المړيض اللي كان هنا اتنقل اوضه عاديه امبارح بالليل لان حالته اتحسنت 
اخر الطرقه دي اوضه 303
تنفست علا الصعداء ولكنها مازالت ترتجف من الړعب ابتلعت ريقها 
وذهبت مسرعه الي مكتب الطبيب لتسأله فطمئنها علي والدها واخبرها انه سوف يخرج من المشفي