روايه جديده بقلم ليدي
المحتويات
خلاص يااسماء مع السلامه
اسماء خلاص خلاص استني حاضر بس هاتدفعي كام
هدي هعملك الانجلش كيك اللي بتحبيه ايه رأيك
اسماء ايه طب عايزه كام صوره بقي
هدي صوره واحده بس واضحه وبكره ضروري
اسماء حاضر ولو اني مش فاهمه حاجه .. يلا سلام واكلمك بكره
اغلقت هدي هاتفها وجلست تحدث نفسها يارب ماتطلعش هي
طب لو هي ياسمين.. المسكينه علا دي هاتتصدم وهي مش ناقصه
والله لو هي .. هاتكون ايامها سوده معايا باذن الله
وفي اليوم التالي كانت علا في المشفي ورن هاتفها كانت مدام امل المشرفه في الدار التي يقطن بها والدها
علا الو ايوه يامدام امل
الو
علا مين معايا
انا حسن
علا ايوه فيه حاجه
حسن انتي كويسه
حسن انا عايز اطلب منك طلب
علا خير
حسن انا عايزك تقنعي ماما تيجي اشوفها واكلمها
علا مش هاقدر . ماما عندها السكر وطبعا عارف السبب . وانا مااضمنش يحصل ايه لو شافتك
حسن ارجوكي انا مش هاضيقها والله انا عايز اشوفها بس واكلمها كلمتين خاېف اموت قبل مااشوفها ارجوكي حاولي
علا طب خلاص هحاول بس مش هاوعدك
علا مع السلامه
لم تكن علا تدري ماذا تفعل فهي قلقه علي والدتها من تلك اللحظه
ولكن والدتها لم تتأثر لدي سماعها لخبر وجوده ومرضه فبالتالي لن تتأثر عند رؤيته
ولكنها كيف ستقنعها اصلا بالذهاب اليه
في مشهد اخر كانت هدي تجلس في عملها تنتظر رساله صديقتها اسماء رن هاتفها فردت ايوه يااسماء اتأخرتي ليه كده
انا بقي هاموت واعرف ليه خليتيني اعمل كده
هدي اصلي نفسي اعمل زي تسريحه شعرها .... اخلصي يااسماء وابعتي الصوره
اسماء هدي انا لولا عرفاكي كويس عمري ماكنت هاعمل كده . اوعي تعملي حاجه بالصوره
هدي استغفر الله .. ايه يااسماء ده والله يابنتي انا عايزه اشوفها بس وبعدين هامسح الصوره
هدي والله بكره تكون عندك اقفلي بقي وابعتي الصوره يلا
اغلقت الهاتف وظلت ممسكه به بين يديها حتي وصلت الرساله
فتحت الصوره وما ان رأت ياسمين حتي اتسعت عيناها ولم تعمل اي رد فعل بل ظلت صامته ساكنه كأن علي رأسها الطير
ولما فاقت من صډمتها اتصلت مسرعه بااسماء
هدي انتي متأكده مافيش واحده اسمها ياسمين في الحسابات غير دي
اسماء متأكده . انا سألت مي وهي كمان شغاله في الحسابات . هو فيه ايه
هدي سلام يااسماء
جلست هدي لا تدري ماذا عساها ان تفعل
هل تخبرعلا بما تعلم ام تخبر ياسمين انها تعلم وتحاول منعها مما تفعل
يالهي كيف تذهب الي تلك المسكينه وتخبرها ان صديقتها الوحيده ټخونها
وهل تعلم علا اصلا ان ياسمين تعمل في هذه الشركه لو كانت علا تعلم فمن الجائز ان تكون ياسمين بريئه وخالد بالنسبه لها زوج صديقتها فقط الذي لاتعلم غيره في الشركه
انهت علا عملها وعادت الي البيت اعدت الغداء ووصل خالد وتناولا الغداء معا واخبرته علا انها تريد الذهاب الي والدتها
خالد دلوقتي
علا ايوه فيه موضوع لازم اكلمها فيه
خالد خير ياحبيبتي
علا بابا اتصل بي النهارده وطلب يشوف ماما وانا خاېفه يجراله حاجه من غير مايشوفها
خالد خلاص يلا نلبس ونروح ونحاول نقنعها
اخذ خالد علا وذهبا الي سهير فرحبت بهما وجلسوا جميعا وتحدثت علا
علا ماما مش هاتروحي تشوفي بابا
سهير اروح فين واروح ليه اصلا انا ماليش علاقه بيه
علا ياماما هو اتصل بي النهارده واترجاني عشان اقنعك هو عايز يشوفك قبل مايموت ونفسه يقولك حاجه
وقفت سهير تشربوا ايه
خالد ياماما اقعدي بس .حضرتك مش هاتخسري حاجه لو روحتي بالعكس هو ضعيف دلوقتي وانتي قويه وعلي الاقل روحي اثبتي لنفسك انه مش فارق معاكي تشوفيه اولا مش هايأثر فيكي
سهير انا فعلا مش فارق معايا والله خلاص مايهمنيش
خالد بس لو جراله حاجه هاتندمي انك ماروحتيش
سهير حاضر ياخالد هاروح
علا خلاص ياماما بكره بعد صلاه الجمعه هانيجي ونروح سوا
رن هاتف علا كانت هدي هي المتصله
متابعة القراءة
