بيت العوانس
المحتويات
اني اجعل دائما ثواب وعقاپ ودائما الثواب معنوى ...يعشقون الخروج والتنزه في الحدائق ولعب الكره صبيان وبنات ...جو بسيط غير مكلف ويسعدهم جدا جدا....اخيرا اعتادوا الأعتماد علي النفس وتحمل المسؤولية بل ورعاية اخاه الأصغر ايضا ...أنا وياسين نلاحظ الجميع ولا يغيبواعن أعيننا لحظة واحدة...
دخل ناصر وزوجته....نادت علي زينة زوجة ناصر
خرجت لأستقبالهم زينة جميلة جدا ما شاء الله...لكن هي كأى أمرأة أصيلة لابد من أن تلبس اجمل ملابسها وأغلاها كلما قامت بزيارتي...وتوضح باستمرار كرم ناصر وعشقه لها..وأنه يحضر لها كل شئ تتمناه وأكثر واني أنا المسكينه لا أحلم مجرد حلم أن يكون لدى مثل هذه الأشياء من عظم مسئولية الأولاد...لكنها صدقا أهون بكثير من مريم ...
ازدادت زهوا وقالت
طبعا أنا اخترتها بنفسي..وناصر حبيبي قال مادام عجبتك يبقي لازم تشتريها رغم أن تمنها غالي جدا..مش كدا يا ناصر
رد ناصر تائها
هاه...ايوه فعلا...حصل يا قمر ...يا أحلي حاجة في دنيتي
خرج ياسين يرحب بهم بحفاوة
ردت زينة بخبث
الحمد لله ..أخبارك انت والعيال عاملين اية معاك..الله يكون في عونك يا سمر ...الكل بيقول ازاي قادرة توفقى بين شغلك ومسئولية فريق الكورة اللي معاكي يا بنتي دا أنتي ولا حسن شحاتة في أيامه
ضحكت بمرح وسعادة هاتفة
حقيقي بفكر أجيب الصفارة قريب ...واخلي بالي من ضربات الجزاء ما بينهم ..ربنا يهديهم ويحرسهم جميعا
طب ايه !!!الفريق كدا ناقص فردين...ولا العيال مزنقين عليكم ...أي خدمة عندى دوا منوم خفيف يناموا للصبح وهتدعيلي....
ضحكت من كل قلبي وهمست لها..
شوف البت..بدل ما تقولي اخدهم يوم عندي ....منوم يا زينة !!!!! حرام عليكي..
ضحكت بدلع ودلال خاص بها.
لا يا ماما ..انا عاوزه أعيش وادلع مع جوزى ..ناقصة عيال وۏجع قلب ..دا أنا شايلة هم البيبي اللي في بطني من دلوقتي..
ياسين ..كنت عاوزك فى موضوع ضرورى
رد ياسين بسرعه
اتفضل معايا في الصالون ...خير إن شاء الله يا ناصر
دخل ناصر خلف ياسين ونكس رأسه وهتف
من غير مقدمات..مش هدفع أي مبلغ الشهر دا للاولاد...ووووو تتتتت
شعر ياسين بالقلق فهتف به.
في أية يا ناصر مش قلت من غير مقدمات !!!! بتأتأ ليه
نظر ناصر الي الأرض غير قادر علي مجابهة نظرات أخية وهمس بضعف وخوف..
جانا الهوا جانا ...ورمانا الهوا رمانا.....
خرجت منيرة من غرفتها وهى تدندن بالأغنية الشهيرة للعندليب الأسمر عبد الحليم حافظ...لتقابلها اختها الصغري فاتن وتضحك فاتن قائلة
يا عيني يا عيني..شكلك وقعتي في الدكتور مصعب وخلاص هتدخلي القفص برجليكي
ابتسمت منيرة بسعادة وهيام وهتفت وماله القفص ...احلي وأطول قفص ممكن تشوفيه..كفاية انه قفص الدكتور مصعب ...احم احم ..وبعدين يا بنتي انتي أدرى بقدراتي...طبعا هو اللي هيدخل القفص مش أنا
نظرت إليها فاتن بدهشة متساءله..
موافقة خلاص ومعجبة كمان ...انتي ناسيه انه مطلق يا منيرة ...أكيد مراته الأولي مش ارتاحت مع كترة اوامره وتحكماته الشديدة الغير معقولة دى
نظرت إليها منيرة بنظرات غامضه غير مفهومة وقالت
مراته الأولي ست غبيه علشان اتخلت عن شخصيه زى مصعب ...شخصية سهلة التعامل مادمتي بتتعاملي بالمنطق والعقل وتكوني علي قدر المسئوليه ...مصعب انسان حقيقي بيحب الحق ويتعامل بالاصول...وبعدين المطلق او المطلقه مش أساءوا لحد علشان كلنا نعاقبهم بالأسم والرفض ...عادى ناس مش ارتاحت مع بعض خلص الكلام بس
تمتمت فاتن بحالميه وهيام
يااه...يا منيرة...كل دا اعجاب من مقابلة واحدة بس ...أمال لو أتجوزتيه...هتقولي فيه شعر
نظرت إليها منيرة بهدوء قائلة
ومن نظرة واحدة كمان وحياتك....مصعب راجل محترم..بيدخل البيت من بابه
ونظرت إلي اختها نظرة كلها معاني وأكملت
الراجل المحترم مش كل شوية يتحجج بالظروف ..ويوعد الف وعد ويخلفه وطبعا الشماعة الجاهزة الظروف....اللي زى مصعب الف طالبة تتمني بس انه يكلمها او حتي يوعدها....وطبعا الطيبات الغبيات اللي بيصدقوا الحجج العبيطة كتير
شحب وجه فاتن في لحظة وهتفت بصوت لا يكاد يسمع
كل واحد وله ظروف.....كل واحد وله ظروفه
لتنظر إليها منيرة بثبات وتضغط على كل حرف من حروف كلماتها
مفيش ظروف في الدنيا تخلي أي شخص يربط حد جنبه من غير حتي خطوبه بلاش حتي الدبله لو الظروف متدحدرة للدرجه دى...مجرد كلمه قدام أهلها واهله ...يعرف الدنيا كلها انه هيعمل المستحيل علشان يفوز بيها...لكن الشخص اللي بيأجل ويتلكك حتي انه يتقدم صعب عليه ويفضل يحب في الخفا كأنه حرامي بيسرق لحظه مش من حقه....اعذريني دا مش راجل اتمسك بيه أبدا...واطرد العرسان من برا لبره علشانه....طبعا أنا بتكلم عن الشخصية المحترمة اللي بتحترم حرمة البيوت...مش بيتسلي ببنات الناس بأسم الحب....
انا واثقة أن مصعب أول ما شعر بالحب تجاه طليقته اتقدملها مباشرة...ولا اية رأيك يا فاتن
لم ترد فاتن
متابعة القراءة
