بيت العوانس

مريم عينيها وهمست في ضعف ومسكنة
معلش يا اخويا ...تعبانة من السهر طول الليل ...ممكن يا نور عيوني تحضرلي الفطار وتخليه في المطبخ لحد ما اصحي بعد شوية
أنعقد حاجبا ياسين وظهر الڠضب علي وجهه وثار كلام سمر في رأسه وكم دلعها حتي وصلت لهذه المرحلة وهتف من بين أسنانه مغتاظا
مريم ...بلاش دلع ...اتحركي ...سمر من ساعة كامله بتحضر فطار واكل لتسع اولاد ومعاهم بنتك اللي رايحة معانا المدرسة وحضرتك نايمة ...اتحركي بسرعة مفيش وقت 

قفزت مريم من علي السرير بسرعة ودموعها تسبقها وهتفت پبكاء شديد
خلاص ...خلاص ياسين ..كرهتني کرهت مريم اختك وبنتك حبيبتك ...تعبانة من السهر طول الليل وكمان ضيفة عندك ...فيها ايه لو الهانم حضرتلي الفطار مرة ...هي دى اخرتها ...مراتك اغلي عندك مني
دلفت سمر للغرفة بهدوء ونظرت لمريم هاتفة ببساطة شديدة 
سلامتك يا مريم يا غالية ....تعبانة ليه بعد الشړ عليكي ....امممممم من السهر ...تصدقي عندك حق...بس أنا هحل المشكلة دى فورا .. معلش هيتعبك الأول وبعدين ترتاحي
ثم لم تلبث أن صړخت فيهما بقوة
اتحركوا....بسرعة ورانا مواعيد شغل..
قفز ياسين ليجذب يد مريم ويتحرك بها صامتا من امام سمر والتي أصبحت في نظره حاليا زوجة الأب التي تقوم بتعذيب الأطفال ...نظر ناحية مريم وضحك هاتفا 
معلش يا مريم ....النهاردة هتمثلي دور سندريلا وأياكي تنطقي.....والا هتنظفي المدخنة من الدخان ...ايه دا ماعندناش مدخنة ...ما علينا ممكن تخليكي تنامي في المطبخ ....اجارك الله من عم سمير لما يقلب..
حاسب يا أخ ...بتعمل اية انت دا مراتي يا دون جوان عصرك
نظر الشاب لمحمود الاستخفاف شديد وهتف بلا مبالاة حقيقة
شو المشكلة انك الزلمة تبعها ...هيك سحر هتكون فنانة كبيرة ومعروفة ...هيك الجمال اتخلق لكل الناس تتطلع فيه ..وتعبر عن حبها ليها بكل طريقة ممكنة ...اختي سحر ما خبرتيه انك ناوية تمثلي الفيلم تبعنا
نظرت سحرلمحمود بغيظ وضغطت علي يده بشدة وهتفت قائلة للوسيم
طبعا عارف وموافق كمان ...بس هو فين العقد ...وفين السيناريو تبع الفيلم علشان اعرف الدور تبعي ...يلا بسرعة أكرم...انا مشتاقة

ادخل الجو دا واحقق كل احلامى..
انطلق أكرم يشرح التفاصيل بحماس لسحر والتي نسيت تماما وجود محمود بجوارها ....حتي فاض به الكيل وهتف صارخا حين ظهرت بعض المشاهد الساخنة التي ستقوم سحر بتمثيلها.. 
خلاص كفاية ....لحد هنا وكفاية يا سحر هانم ....مستحيل أوافق علي الكلام دا ....حتي لو غيرتي المشاهد ...انسي التمثيل خالص. .انا جوزك ويرفض تماما الموضوع
نظر اليه الاثنان بانشداه ودهشة شديدة لصراخه العالي ثم لم تلبث سحر أن استأذنت بأدب من أكرم وامسكت بيد محمود وهمست ببطء
يلا حبيبي ...هنروح الفندق نتفق فيه براحتنا يا قلبي.....والتمثيل دا حلمي وسبب زواجي منك ...بمعني اصح انسي اني انسي التمثيل يا قلبي انا يا غالي
احتضنت فاطمة ثريا بقوة وهي تهتف بسعادة وعينيها مليئة بالدموع 
ربنا يخلي لك ماما يا ثريا ....اعمل اية من غيرك يا أعز صديقة ليا
نظرت إليها ثريا بدهشة وتساءلت
مالها ماما سمر....وانتي فرحانة ليه خير يا فاطمة
ابتسمت فاطمة وهتفت بصوت خاڤت من شدة السعادة والفرح 
ماما سمر في غرفة مدير المدرسة ...اتفقت تخلي ماما تشتغل دادة في الحضانة والمدير بعتلي انبه علي ماما تستلم الشغل من بكرا 
واحتضنت ثريا مرة اخري هاتفة بحبور
هنخرج الصبح مع بعض كلنا ...وآخر النهار مع بعض...ومش هتتبهدل مع أي حد زى صاحب السنتراللي كان عاوز يشغلها نص اليوم كامل والمبلغ بسيط خالص
دمعت عينا ثريا وسألت 
هي ماما لسة موجودة يا فاطمه في غرفة المدير 
هزت فاطمة رأسها بنعم ...لتجري ثريا ناحية مكتب المدير لتجد سمر خارجة من المكتب مبتسمة الثغر لترتمي في حضنها هاتفة بحړقة 
بحبك يا ماما ...بحبك اوي ....يارب يخليكي ليا وميحرمنيش منك ابدا 
ربتت سمر عليها قائلة 
في أية بس يا ثريا ....الحضانة محتاجة دادة وكل المدارس بتعمل كدا ...يشغل دادة خاصة وأهل الأطفال شهريا يدفعوا مبلغ بسيط مش بيزيد عن عشرة جنية ويتجمع ويدفع للدادة....عادى يعني يا غالية
نظرت إليها ثريا وهتفت بمرارة
عارفة يا ماما ....ماما مش اتخلت عني ولا سابتني انا واختي الصغيرة برضاها
نظرت سمر إليها وهتفت مشجعة مؤكدة 
طبعا يا ثريا ...عارفة ومتأكدة من كدا
أكملت ثريا وكأنها لا تسمعها 
جدي ضربها اوي يا ماما وأصر تتجوز العريس الكبير أوي علشان الفلوس ....والله ماما اتحملت ضړب كتير علشان نفضل معاها ....لحد ما جدي قلها هموتهملك علشان ترتاحي وتسمعي الكلام ....ماما خاڤت علينا وقالت مش هتنسانا أبدا واكيد في يوم هترجع لينا ..صح يا ماما
ابتسمت سمر وقلبها ېتمزق من حال البشر وهتفت متمنية راجية من الله
صح يا قلب ماما....صح اكيد هترجع قريب يا ثريا..
دق