رايات العشق بقلم فاطمه الالفي

بيه تتطمن عليه ولا على وصوله ومش بس كده ده انت مديت ايدك عليه وقدام الناس 
ابتلع ريقه بصعوبه وتحدث بتوتر أنا اتعصبت عليه لأنه غلط وكان ممكن يعمل كارثه بسبب السباق 
لا انت عملت كده عشان مراتك بس ماتعملش السباق حجتك وعلى العموم ابنك مش موجود 
امال فين بدري كده 
عنده دروس فى سنتر جديد 
وليه مايخدش الدروس فى البيت 
زهق وعايز يغير واتعرف على شباب من سنه وقرب منهم الفتره دي وقرر ياخد معاهم الدروس وأنا وافقته 
شباب ايه اللى يتعرف عليهم وانتي ازاى توافقي على اى حاجه هو عاوزها 

والله الشباب دول ثقه وأنا بنفسي شوفتهم ولعلمك دول ولاد عم ماجد الراسي الراجل المحترم اللى ماسبش ابني ووصله لحد البيت واعتقد هو واهله اهل لثقه وكمان بكون مطمنه وهو مع صحابه علي وعمر وهو هيخلص الدرس وهيذاكر عندهم فى البيت عشان علي تعبان شويا عايز تتواصل مع ابنك اتصل بيه واطمن عليه خليه يحس بوجودك فى حياته . 
انهت حديثها بجمود ثم نهضت من مجلسها لتنهي المقابله وأنا لازم اروح شركه بابا دلوقتي فى شويا مشاكل لازم احلها
تسأل بقلق مشاكل ايه قوليلى يمكن اساعدك 
شكرا بعرف احل مشاكلي بنفسي البيت بيتك سلام 
غادرت الفيلا ولم تعطيه فرصه للحديث لحق بها وهو ينظر لابتعاد سيارتها وهى تقودها بسرعه فائقه لتبتعد عنه استقل سيارته وقرر الذهاب الى الشخص الذي يجد عنده كل الاجابات لتسألات التى تدور براسه ...
داخل شركه السياحه ..
كان يحاول جمع شتاته لكي يتحدث معها ولا يعلم من اين يبدء حديثه وفجاه أستمع لطرقات اعلى باب مكتبه ليتحدث بصوته القوي بالدخول 
دلفت رنا بتوتر مستر ماجد فى شخص بره وطالب يقابل حضرتك ومافيش ميعاد سابق وبلغني اقول لحضرتك اسمه 
ضيق عينيه بتسأل عن هويه ذلك الشخص واسمه ايه الشخص ده 
مستر اكرم الفقي 
تفوه باسمه بغرابه اكرم الفقي طيب دخليه يا رنا وشوفيه يشرب ايه 
حاضر يا فندم 
دلف اكرم لمكتب ماحد بعد لحظات وقف ماجد عن مقعده ليصافحه ويرحب به 
تحدث اكرم بخجل أنا آسف جاي كده من غير ميعاد 
حضرتك تشرف فى أي وقت اتفضل استريح 
جلس مقابلا له وهو يشعر بالتوتر والخجل معا فماذا يبدء حديثه 
شعر ماجد بتوتره لذلك تحدث هو بجديه اوامرك يا اكرم بيه 
ابتلع ريقه بصعوبه أنا آسف على كل اللى حصل فى الفندق أنا بصراحه بفقد اعصابي بسرعه وبقرر لحضرتك اسفى عن اللى حصل من ايهم والخناق اللى حصل 
تحدث ماجد بهدوء سوء تفاهم وراح لحاله وايهم شاب صغير وللأسف مايعرفش نتيجه غلطه واحنا كلنا نسينا اللى حصل 
رفرا انفاسه بضيق تسمحلي اسألك سؤال وأتمنى تكون صريح معايا لأن بجد أنا بالي مشغول جدا ومابنمش من وقت اللى حصل 
علم ماجد بما يدور داخله فقد دخل الشك قلبه وعكر صفو حياته لذلك يشعر بعدم الراحه واهتزت الثقه بينه وبين زوجته وقرر ان يجيب على تسألاته بصدق 
اتفضل أسأل وأنا هجاوب حضرتك باللى عندي علم بيه اوعدك ماكدبش عليك فى اى حاجه  
أنا عارف ان اللى هنتكلم فيه دلوقتي من الماضي بس يهمني اعرفه عشان هيتبني عليه حياتي بعد كده يوم خطوبتك ليه سبتها عرفت ايه عن ياسمين يخليك تسبها يوم الخطوبه حاجه تخص بالشرف والسمعه وعشان كده ماكملتش ارجوك ريحني ..
تحدث ماجد بثبات للامانه أنا سبتها يوم الخطوبه بعد لم كل المعازيم مشيت ومابقاش غير اهلي واهلها بس عشان ماكنتش اقبل لها بالڤضيحه لانها بنت وأنا عندى اختي وكمان عشان اطمنك اللى عرفته مايخصش سمعتها ولا شرفها اللى عرفته صدمني فيها لان كنت فاكر انها بتحبني وعايزه ماجد لشخصه مش ماجد الغني صاحب شركه حبت فيه مستوايا المادي والاجتماعي 
ماكتشفتش ده غير يوم الخطوبه 
للأسف كانت عيوبها قدامي بس كنت بحاول اتغاضه عنها عشان وقتها كنت بحبها واللى بيحب مابيشفش غير مميزات حبيبه المهم عرفت وقتها ان اتخدعت فيها ولازم أبعد وافوق لنفسي وبس أنهيت يومها كل اللى بينه 
تسأل بلهفه فى حاجه تانيه عايز تقولها 
هز ماجد راسه بالنفي لا ده اللى حصل وعرفت من حد ثقه وأنا حسيت مدام مافيش حب يبقى صعب العلاقه تستمر أحب اقولك لو بتحبها بجد وواثق من حبها ليك يبقي تنسي الماضي وبلاش تفتح فيه وعيش حياتك زى ماانتو شافينها مش زى الناس ماهى شايفه ساعات الناس بتكون شايفه حاجه من وجهته نظرهم هم لكن ماحدش بيتخيل نفسه فى نفس الموقف عشان يقرر هيعمل ايه أنا شايف الحب فى عينيك وعدم النوم والقلق اللى بتتكلم عنه ده دليل انك مش مرتاح وعايز حد يريحك اتمنى يكون كلامي معاك ريح قلبك ولو جزء بسيط والجزء التاني يكمل باحساسك انت حاسس الست اللى انت اتجوزتها وبقت شريكه حياتك حاسس بحبها ليك ولا لالشحصك بس اسمك فلوسك علاقاتك حياتك