رايات العشق بقلم فاطمه الالفي

ماعنديش مانع نجربه مع بعض 
بجد 
اكيد طبعا مش هسيبك لوحدك 
ليه 
ابتلع ريقه بتوتر عشان بنت عمي وماينفعش اسيبك لوحدك 
لوت ثغرها بضجر بس 
قرأ ملامحها الغاضبه وكتم ضحكته هو فى حاجه ولا ايه 
تحدثت بيأس مافيش 
ثم ابتعدت بانظارها عنه وشردت بالمياه منما جعله يفهم تبديل حالها وهو يشعر بالسعاده التى تغمره بسب قربها ويشعر بشرارت الحب التى تشتعل بداخل كل منهما من اجل الآخر ولكن عليه التاكد من تلك المشاعر أولا قبل اتخاذ أي قرار متسرع فهو كثير التفكير ويتأنى بقرارته لكي يصل للقرار الصائب ..

بالقاهره داخل فيلا موسي الزيان ..
كانت تصرخ بانفعال عندما فتحت لها الخادمه الباب 
لتبعدها سلوي من امام وجهها وتدلف لداخل تبحث عن موسى 
اوعي كده من وشي هو فين البيه اللى مشغلك يا موسي موسى 
غادر مكتبه عندما أستمع للضجيج الذي يحدث داخل بيته ليتفاجئ بوجود سلوى شقيقه زوجته الراحله ..
سلوى ايه فى ايه بتزعقي كده ليه 
هو أنا لسه زعقت ولا عملت حاجه بتبعد بنت اختي عني ليه ومانعها تجيلي وكمان ترد على اتصالاتي أكيد حابس البنت انت والعقربه مراتك ومانعينها عني 
تحدث بعصبيه لم تتكلمي فى بيتي وعن مراتي تتكلم بادب انتي فاهمه وبعدين أنا لا يمكن احبس بنتي ولا استغلها فى العداوه اللى بينا يا سلوى رغم ان نسيت كل حاجه بس واضح انك جواكي شيطان ومش بينسي سما فى رحله كام يوم مع خطيبها واخواته ولم ترجع بالسلامه هنحدد الفرح كمان اتمنى تبقى تشرفينا 
جحظت عيناها بعدم تصديق لما سمعته انت بتقول ايه خطيب مين وفرح ايه سما بنت اختي وازاى وأنا مااعرفش اكيد غاصبها على الجوازه دي واكيد ليك مصلحه 
انتي اټجننتي ولا ايه بنتي هى اللى مختاره خطيبها بنفسها وبتحبه وهو كمان بيحبها وعايز ابلغك ان كلامك السم اللى كنتي بتبوخيه فى ودان سما خلاص سما فاقت من الاوهام اللى عيشتيها فيها سنين وبعدتيها عن ابوها جالك قلب تتحرم من ابوها وهو عايش جالك قلب تيتمي البنت ودخلي دماغها افكارك انتي ايه يا شيخه شيطان بس الحمد لله ان ربنا كشفك على حقيقتك وسما فاقت ورجعت لحضني من تاني وهى بنفسها اللى حابه تبعد عنك عشان انا عمرى مافكرت ابعدها عنك عشان خاطر ساره الله يرحمها واتفضلي بره بيتي انتي مالكيش مكان هنا وسما حره عايزه ترد عليكي براحتها خالص مش هعمل زيك وهقسيها عليكي مش عشانك لا انتي ماتستهليش بس عشان خاطر والدتها اللى هى اختك يا سلوى 
غادرت الفيلا بضيق بعدما علمت بانها خسړت ابنه شقيقتها للأبد ...
في ذلك الوقت كان هاشم يشاهد الفيلا التى وجدها شقيقه بالقرب من فيلته اعجب بها هاشم وبتصميمها ووقع عقد شراءها وبدء بالفعل فى توضيبها لاستقبال ابنائه فقد قرر مفاجئتهم عند عودتهم من دهب ..
فى المساء قرر الفوج الالماني انتهاء مده الاقامه بهذا الفندق بعدما رفض بعض المستثمرين المبلغ الذي طلبه مالك الأرض وقرر بعضهم العوده الى بلادهم بعد قضاء يومين فقط على أرض دهب .
انهى ماجد الاقامه داخل الفندق وطلب من حياه ان تظل بالكامب وهو من يقوم بايصالهم الى مطار شرم ويطمئن على مغادرتهم ثم يعود ثانيا الى اشقائه لكي يستمتع هو الاخر بالمكان بدون ضوابط او قيود تخص عمله ..
شعرت ياسيمن بالارتياح بعدما غادر ماجد الفندق خوفا من افشاء سرها لزوجها وتنتهى حياتها الزوجيه بعدما خططت لتلك العلاقه التى لا تقبل بهدمها مهما كلفها الأمر ..
قررت حياه بالتقرب الى ايسل محاوله منها لمساعده شقيقها وتغير الفكره الخاطئه التى اتخذتها ايسل عنه .
وجدتها فرصه لا تعوض عندما وجدت رؤى منشغله برسم لوحه تحت انوار القمر الخافته التى اعطت جمالا اخر لسحر هذا المكان بالليل واسر كان يشاهدها وهو يتسطح الرمال وينظر للسماء والنجوم التى تنيرها ويعاود النظر للفتاه التى جعلته يشعر بتلك المشاعر الخفيه جعلت قلبه ينبض بالحب مشاعر جديده عليه ولكن رائعه فى الوقت ذاته لم يصدق بعد بانه عاشق الان ويعيش تلك المشاعر والاحاسيس التى اوقدت الحب داخله ...
جلست بجانبها وهى تبتسم بود 
القمر عامل ايه دلوقتي 
نظرت إليها ايسل وبادلتها الابتسامة الحمد لله بخير المترجمه اللى بتشغلي مع ماجد مظبوط 
هزت رأسها بالايجاب وهى تخبرها باسمها 
حياه الشاذلي واخت دكتور عاصي وعشان كده أنا طلبت منه يجى يغير جو وضغط الشغل أصل بيشتغل ومابيرحمش نفسه وبقاله فتره كبيره جدا مااخدش يوم اجازه 
اكتفت ايسل بايماء بسيطه وهى مازالت محتفظه بابتسامتها 
كان قلقان عليكي اوى لم اختفيتي امبارح كان هيتجنن والله ليكون لقدر الله العقرب قرصك بس الحمد لله جالك فى الوقت المناسب صح 
اشارت الى نفسها بدهشه قلقان عليا أنا 
هزت حياه رأسها ايوه والله ولحد دلوقتي قلقان بسبب الچرح والالم اللى بتحسي بيه 
لم تفهم ايسل بما تحاول حياه اخبارها به 
ولم تجد حياه حديثا اخر الان عن شقيقها