وعد سليم بقلم تيسير محمد

يقطعونا .

كان كلام ياسين لأخوه بعد ماضربه بخفه علي كتفه يوقفه عن استعرضاته .

نور الكبيره بفرحه اتكلمت 

الحمد لله يارب إن ربنا ظهر الحق .

سليم ابنها بص لوعد حبيبته وسألها 

انتي قدرتي تثبتي براءتي ازاي 

هنا بقي سيلين ردت بالنيابه عنها وكانت بتتكلم وهي بتمثل وحكتله كل الي حصل وفي الاخر قالت 

بس وبعد مااتقنت تمثيلي جه بفائده وقدرنا نسجل اهم مكالمه جت الباشا بعد مالبست في البت ووترتها .

اتغيرتي ياسيلو .

بس للأحسن طبعا ... اشكرني .

كان رد يونس الي سيلين اول ماقال كده بصتله بمشاكسه وقالت 

اسكت يا مغرور .

وهما ضحكوا علي طريقتها .

وعد الكبيره اتكلمت وقالت بمشاكسه 

ها ياجماعه مين عمل دور بطولي تاني 

ملك ردت بعلو صوتها وقالت 

انا طبعا .

بصت لنور بنت عمها وكملت 

ونور طبعا معايا ... دا احنا اتمقق عينا في كاميرات المراقبه وفي الاخر لقتنا طرف الخيط 

فلاااش بلاك .

ملك دخلت شركه الضرائب وهي مداريه وشها نوعا ما سألت علي مكتب الموظف وبالفعل قدرت توصله كان أصلع ومليان شويه ولابس بدله زرقاء .

بعد ماخبطت الباب دخلت وهو أول ماشافها اتكلم 

اتفضلي اقعدي .... وعرفيني بحضرتك .

اتكلمت ملك بسرعه وقالت 

مش وقته محسن بيقولك لازم نخبي الفلوس الي ادتهالك باي طريقه لانهم بيدورا وشاكين وممكن نروح في داهيه .

بصلها بشك وقالها              

معرفش حد بالاسم ده .

ملك اتكلمت بسرعه وقالت 

بقولك ايه ما علي الرسول إلا البلاغ سمعليكوا 

كانت هتمشي بس هو وقفها لانه فعلا حس بقلق وقال 

استني !!

لفت وقالت وهي بتمثل 

اي تاني 

طلع من خزنته ظرف فيه فلوس بعد ماتردد وادهولها وقال 

بصي انا هروح دلوقتي ادي الفلوس لحد امين يخبيها عنده خصوصا انها عليها ختم شركه عليان ... طمني محسن أنه مايقلقش ليودينا في داهيه .

هزت راسها وخرجت بعتت رساله لنور بتقولها أنها تبلغ يقبضوا عليه متلبس قبل مايخبي الفلوس لأنها الدليل وبالفعل لحقوه وهو علي باب الشركه وكمان كانت بتسجله .

باااااك 

وقابلنا وعد وسيلين وسلمنا الدليل وبكده الشركه هتتفتح بكره عادي .

 انا اخترت لابني صح انا عمري مااحساسي يبقي غلط ابدا .

خرجت من حضنها مكسوفه والكل فاهم بس مش بيتكلم بس عاصم قام وقال 

حيث أن ماما ڤضحت الدنيا فأنا بعد اذنها هي وبابا عايزه اطلب من عمي سليم ايد نور .

سليم بص لبنته وبعدين لعاصم وقام بعد فتره واتكلم بصوت عالي 

فرمان ... فرح وعد وسليم ونور وعاصم الخميس الجاي .

الخميس بليل جه بعد مااسبوع عدي بتجهيزاته وقرارات بتقول أن التوأم هيخطبوا بعد امتحانات ملك وسيلين .

كانت سيلين بتطل بفستان احمر طويل ضيق براق مقفول من فوق بس بتلت تربع كم فرده شعرها القصير وحاطه ميكب اب هادي جدا 

خبطت فيها ملك الي كانت متألقه بفستان اسود ضيق من فوق وواسع من تحت وطويل وعند وسطها في حزام من اللون الفضي كان عاري الكتفين وهي عامله ديل حصان 

سيلو اسفه جدا بس بدور علي ياسين مش لقياه 

انا اهوه .

لفوا الاتنين واتصدموا كانوا التوأم واقفين جمب بعض لابسين نفس اللبس ونفس قصه الشعر وكل حاجه حتي نفس الابتسامه .

سيلين وملك بصوا لبعض ببق مفتوح ومستغربين هيعرفوهم ازاي رجعوا يبصولهم تاني وركزوا شويه لحد ما ملك ابتسمت بانتصار وراحت حطت ايديها في ايد ياسين بصلها باستغراب وسألها 

طب عرفتيني ازاي 

بقلبي الي عمره ماخالف باحساسي بيك .

ابتسم لها بفرحه وقال 

وقلبك ده معايا وعمري ماهخسره ابدا .

رفع أيدها وباسها وهو باصص في عينيها .

أما يونس فراح وقف جمب سيلين وقال 

وانتي ايه مافيش لا قلب ولا احاسيس 

هزت راسها بلا وهي مش مهتمه .

للحظه اضايق انها ماعترفتش أنها حبته ولو مره بس وكأن هي بتسمعه وابتسم فجأه لما قالته 

بحبك يا يونس .

بصلها بعدم تصديق وقالها 

ايه قولي تاني .

لا انسي قولتها بالعافيه وحاربت كسوفي .

مسك ايديها وسحبها وقال 

بمناسبه الاعتراف القمر ده لازم نرقص .

استني يا يونس .

ياقلب يونس وربنا مايحصل لازم نحتفل .

ضحكت وهو ساحبها وراه .

الكبار كانوا سامعين كل ده وضحكوا بفرحه شروق بتبص علي جوزها لقته سرحان فيها فاتكسفت يحيي اتكلم 

بعد كل ده لسه بتتكسفي .

وهفضل طول مانت بتبصلي كده .

قرب منها وهمس 

انا بفكر نطلع من هنا علي فيلا بابا ايه رايك 

بصتله پصدمه وهو بصلها بمشاكسه وقبل ماترد لقت يحيي بيتزق عليها وكان يوسف هو السبب وهو بيدعك في عينه بتعب 

مش تفتح ياحمار 

لامؤخذه بس والله ڠصب عني ... منه

لله الي كان السبب .

يحيي سأل 

مين ده 

نور الكبيره ظهرت وفي ايديها بخاخه لونها حمراء وبتضحك نور شاور عليها وقال 

مين غيرها .

شروق شهقت وبصتلها ونور بررت وقالت 

واحده بواحده رشني بمخدر رشيته انا كمان .

سليم