وعد سليم بقلم تيسير محمد
انا و انا خارجه من عنده انهارده قطعت علاقتي بيه بعد عمايله .
عمايل ايه
كان سؤال شهاب الفضولي و هما قاعدين في الكافيه الي قريب من الشركه و كان هادئ جدا و شيك ردت مايا و هي بتفتكر
اخر كام يوم اهملني قالي أنه بيحبني بس ماحستش بحبه ده بكلمه مش بيرد اتعصب عليا اكتر من مره غير أنه بيغلط في اسمي و يقولي يا نور ... انا مقدره انها بنت عمه و البيست بتاعته بس مش للدرجادي و من شويه بيزعقلي عشان بقوله مش بترد ليه و لما قولتله بعصبيه انا مش عيزاك قالي يبقي احسن و ان انا خنقته... مش فهماه بصراحه .
اتنهدت في اخر جمله و شهاب ساكت لانه فكر أن نور قالتله كده و عاصم قال لمايا كده لأنهم متفقين .
بالمناسبه مايا و شهاب كانوا مرتبطين زمان .
عاصم كان مجمع الحرس و الخدم حواليه و بعصبيه سألهم
يعني ايه ماما تخرج من الفيلا و ماتعرفوش هي رايحه فين و ازاي تسبوها من غير حرس كده
كان واحد من الحرس هيتكلم بس عاصم زعق فيه الټفت للخدم و سأل
الي شافها يقول حصل اي بسرعه .
واحده من الخدم اتكلمت
الهانم كانت بتجيب ماء لوعد هانم و لما شافت الورد ده ادتني اطلعلها الماء و شافته ع ما نزلت لقيتها مش موجوده .
عاصم راح لبوكيه الورد و لقي الكارت الي عليه لأن شروق سابته في مكانه .
همس عاصم لنفسه
مين حامد الباشا
سليم خرج من العمليات بعد ساعتين تقريبا فالحمد لله قدروا ينقذوه
نقلوه في اوضه لوحده و منعوا اي حد يدخله الا لما يفوق فكان كلام الدكتور أنه لازم يعدي الكام ساعه الجايين دول ع خير لان الضغط عنده ممكن يوطي تاني و ساعتها ممكن يروح منهم فكبر السن هو الحاجز الوحيد اودام تعافيه .
وعد الصغيره كانت بتقاوم دوخه بتجيلها كل شويه من ساعه ما نقلت الډم بس سليم لحقها قبل ما تقع في اخر مره و بعدها و قال
وعد حبيبتي ... اقعدي لازم تشربي عصير .
لا م ..
قطعها و قالها
مافيش لا انا الي غلطان اني ماركزتش خليكي هنا .
و فعلا راح يجبلها عصير و رجع قدمه ليها
يونس راح لوعد و اتكلم
ماتقلقيش بابا بقي تمام اشربي من فضلك.
أما يحيي فكان بيكلم عاصم ابنه و منفعل
ازاي مش لاقيها امك فين
سمعله و بعدين يحيي سأله
انت قولت حامد الباشا
ايوه يا بابا .
طب اقفل دلوقتي
قفل و قبل ما يفكر حتي يوسف راحله
حامد الباشا اي فهمني
بعت ورد و شكله هو الي ورا الي سليم فيه ده .
و اي دخل طنط شروق في الموضوع
سؤال ياسين اثار تفكير يحيي و يوسف مع بعض و بصوا لبعض و كان الي جه في دماغهم واحد
فبعد ما اتصلوا بيها و تليفونها مغلق فمستحيل انها تكون جيالهم مثلا لأن بردو بقالها فتره كبيره مختفيه .
يحيي اتفجأ لما يوسف سابه و مشي و هو قعد يفكر بالعقل قبل ما يتحرك خطوه واحده و ده عاده يحيي من زمان .
انا ماردتش أبلغ عنك البوليس .
كان كلام شروق الواثق و هي واقفه اودام حامد و مربعه ايديها الكبر بأن عليه شعره الي بقي فيه حبه ابيض وشه الي كرمش شويه حتي جسمه فابتدي يبقي مليان و النضاره الي كان لابسها و قالعها لما شافها تدل علي عوامل السن الي ضعفت نظره
قام من كرسيه علي المكتب في بيته و قال
ماتقدريش عشان عارفه أن ورايه ناس ممكن باشاره مني ينهوا علي عيلتك كلها .
عايز اي ياحامد
حق ابويا .
ابوك غلط و خد جزائه .
بصلها و بيحاول مايتعصبش عليها
انتي السبب في كل الي حصله .
ماحدش قاله يعمل كل ده عشاني .
للحظه جت علي باله فكره ففضل يلف حواليها و هي ثابته و بيتكلم
صح .. و عشان كده بقي انتي الي لازم تدفعي حق الغلطه دي.
و قبل ما تفكر في الجمله حتي كان وصل و وقف وراها و بضهر المسډس ضربها و وقعت في الأرض اغم عليها .
ظهور مفاجأ غير متوقع من ماضي مالناش دخل في بيهاجم من اول وجديد
انتكاسه هتحصل لمين من سيلين سليم و وعد
العدو هيبقي الصديق و الصديق هيبقي العدو
ايه الي بينتظر أل عليان تابعوني .
تيسير محمد
الفصل ده لو جاب تفاعل هنزل بكره كمان فصل
بسم الله الرحمن الرحيم
وعد_سليم٢
الفصل الرابع
عشر
مانعرفش الي هيحصلنا حلو ولا وحش ولكن في الحالتين هو خير لينا من عند ربنا واكيد الي بيحصل ده حكمه من ربنا.
كان ياسين قاعد اودام
