وعد سليم بقلم تيسير محمد

الي مقعدكم هنا ... ماتطلعوا بره ايه النيلا دي .

ضحكوا كلهم ووعد اتكسفت 

ملك سالت بقلق فهي ماتعرفش ايه الي حصل

جماعه ماما مارجعتش لسه 

وعد وسليم بصوا لبعض وبعدين سألوا بصوت واحد 

هو ايه الي حصل !

فتحت عيونها وغمضتها تاني بتحاول تتعود علي النور 

فضلت باصه فوق وبعد دقيقه بصت يمينها لقت امها ابتسمتلها بحب وبعدين سمعت صوت ابوها فبصت شمالها لقت يوسف 

ضحكتها وسعت 

نور اتكلمت وهي بتلعب في شعرها 

حمدالله علي السلامه ياقلب ماما .

الله يسلمك .

يلا فوقي بقي عشان وحشتنا رخمتك 

ملامحها اتكرمشت كده واستغربت من الصوت بصت اودامها لقت يونس واقف سند علي الحيطه وحاطت أيده في جيبه .

مش عارفه تقوله ايه بس ابوها مادهاش فرصه تفكر واتكلم 

ابن عمك هو ليه الفضل بعد ربنا انك ترجعي .

بصتله وهي مش فاهمه قصده رح يونس اتكلم

مش وقته بقي يا جو سيلو تفوق بس عشان انا محضرلها مفجأه .

مافهموش حاجه ومالحقوش يفهموا عشان يونس مشي اصلا 

الليل قرب يخلص وكلهم اتجمعوا في بهو القصر الا سيلين الي مش قادره تنزل بسبب الچرح الي في جمبها وسليم الكبير برغم تعبه إلا أنه قلقه طغي ع شعوره بالتعب بيحاولوا يتصلوا بيحيي تليفونه مقفول والقلق مسكهم كلهم .

عاصم دخل عليهم بينهج واتكلم 

بردو ماجوش ... اخر مره عرفت أنه راح لحامد الباشا .

الكل عرف دلوقتي أن اختفاء شروق بسبب حامد لكن ايه السبب مايعرفهوش الا الكبار .

لسه كان سليم هيسأله بس صوت العربيه الي وصلت اودام الباب خلاهم كلهم يبصوا ع الباب الي دخلوا منه يحيي وشروق 

ملك ونور ووعد جريوا علي شروق الي باين عليها الإرهاق وچرح صغير في دماغها 

وعد اتكلمت پخوف 

كده تقلقينا عليكي 

يحيي راح لسليم الي وقف بصعوبه واتكلم 

كده ينفع يعني 

يحيي رد عليه بحاجه مالهاش علاقه بالسؤال 

حمدالله علي سلامتك .

بصله وماردش بس يحيي حول نظره ليوسف الي واقف جمب نور وقف اودامه والكل متابعه واتكلم 

انت تعرف سميه الباشا منين 

الكل بص ليوسف ومش فاهمين حاجه يوسف اتنهد وبص لنور وللكل واتكلم 

الظاهر كده أن جه الوقت عشان اتكلم ... هي دي الي نور مسكتني بخونها معاها .

نور افتكرت واتنرفزت وكانت هتمشي بس هو مسك أيدها وهو باصص ليحيي وقال 

لازم تسمعي للآخر المره دي .

كمل كلامه ليهم 

عرفت من فتره كبيره أن حامد الباشا خرج من السچن بعد ما المحامي بتاعه قلله المده عرفت بطرقي بردو انه بيجمع ناس تاني حواليه وبيحاول يرجع اسمه الي ماټ في السوق حسيت أن وراه حاجه وفضلت مراقبه 

سكت شويه وبعدين كمل 

بنته ظهرت اودامي كان مصاحب واحده قبل مايتسجن وكانت حامل وولدت والبت كبرت ووبقت حاجه كبيره وهو طبعا كان بيشوفها وهي بتزوره في السچن خرج وبقت هي دراعه اليمين ... قولت بس هي دي هدفي لانه مش باقي علي حاجه ومعندوش غيرها اتجوزتها بعد ماحاولت معاها وطبعا هي زي ابوها حوت في الشغل دخلتلها من ناحيه صفقه وشويه شويه قربتلها واقنعتها نتجوز عرفي .

سمع شهقات بعد الجمله دي يوسف بص لنور واتكلم بصدق 

كنت كل اما اقعد معاها استخدم المخدر الي خدرتك بيه من يومين وانيمها وكده بتتوهم وبتصحي مش فاكره حاجه والكلام ده كان تلت اربع مرات في خلال الشهرين شكي طلع في محله وطلع مخطط أنه ېقتل سليم وكمان خطڤ شروق فهددته ببنته .

طب وبنته فين دلوقتي 

كان سؤال يحيي وهو رد عليه يوسف وقال 

خاطڤها .

سليم بص فوق بتفكير واتكلم پغضب 

هتفضل في عداوته لحد امتي .

هو الي بيكتب نهايته بايده .

يوسف دي كانت جملته فسليم زعق 

بس خلاص ... تسيب بنته وانا ليه تصرف معاه .

وعد اتكلمت پخوف 

سليم ناوي علي ايه 

بصلها باطمئنان وقالها 

ماتقلقيش لازم انهي العداوه دي .

الكل سكت بس يونس حس أن الجو لسه مشحون فقال لازم يفك الدنيا 

طب نصلي ع النبي كده ونسمع .... انا ناوي اعيد البهجه للقصر المېت ده واتجوز .

الكل بصله باستغراب وسليم ضحكله يونس غمز لابوه الي اتكلم 

يوسف انا طالب ايد سيلين بنتك ليونس .

يوسف بص لنور وبعدين اتكلم 

بس هي لسه صغيره .

وهما مش هيتجوزوا بكره ولا انت مش عايز ابني .

عيب عليك يونس تربيتي .

نور اتكلمت بهزار 

مهو ده الي خاېفه منه .

الكل ضحك فسليم الكبير اتكلم 

علي خيره الله بعد ماناخد رأي سيلين وتوافق هيتخطبوا وسليم ووعد هيتجوزوا .

وعد الصغيره اتكسفت وبصت في الأرض لأن ابوها كان بيقولها وهو بيبصلها 

بس وعد الكبيره هي الي اتكلمت والكل اتفاجأ 

بس أنا مش موافقه 

القدر هيغيرلها رأيها بس المشكله مش هتبقي

في علاقه سليم ووعد ولازم عقده تتولد في علاقه تانيه ياتري لانهي ثنائي 

لازم كل واحد يتكتبله النهايه وبعد تعب هتيجي السعاده وعد سليم ٢ تابعوني .

تيسير_محمد

بسم الله