بنت صاحب العماره بقلم فيروز شباني

تشتغلي معايا تلمي اجره كاشفك وعلاجك وتمشي فتنظر لها نجاة مين قالك أمي صح
فتقول لها نوئه لهو انا هبله ولا هبله دا احنا عشرة عمر يابت هتخبي عليا انا عارفه كل حاجه من شكلك وامك كمان لما كانت تيجي تاخد شندوتشين الكبده لأبوكي كانت تحكي معايا في سيرتك
بس إيه الحكايه المرة دي المعدول بتاعك مزنوق في قرشين
فجلست نجاة دامعة العينين لتترك نوئه مابيدها وتقول وادي ام الكبده في إيه يابت بټعيطي ليه عملك حاجه وحل البرك ده

لتقص عليها ماحدث
فټضرب نوئه علي صدرها وتقول يادي المصېبه جات الحزينه تفرح دا انا قلت واحده مننا ربنا سترها وأجوزت واهو ضل راجل ولا ضل حيطه وتخلصي من المدعوقة سوسو فتضحك نجاة إنت لسه حطاها في دماغك فتضحك نوئه مش خدت خطشيبي المهم هتعملي إيه هتسقطي يابت
فتراجعت نجاه وامسكت بطنها لا طبعا مستحيل ولما يجرالي حاجه مين هيربي بنتي لا يمكن اقتل روح اروح من ربنا فين واقابله إزاي وبانهي وش لما يقولي قټلتي ضناكي يا نجاة لا عمره مايحصلش لو هتوصل للطلاق
دا إنت اهو عارفه ماكلفتوش تمن الولاده وبعت شبكتي عشان الحضانه للبنت حتي تمن كشفي وعلاجي كنت بشتغل معاكي اليومين اللي باجيهم واطلع مصاريفي والآخر يقولي مابحسش أنا مابحسش انا عارفة أنه غلط الحمل ده بس والله ما اعرف هو جة كده فټحتضنها نوئه
ولا يهمك يابت واللي عوزاه كله اختك سداده وبميت راجل
فتشكرها نجاة
انا بس هشتغل معاكي لو ينفع
فتقول ينفع الا ينفع ورزقي ورزقك علي الله
فتقول نجاة تسلميلي يارب نعم الاخت اللي ماجبتهاش بطن امي 
وابوكي عامل إيه
فتتنهد تنهيده عميقه والله مضايق اوي وزعلانه عشانه رحنا كشفنا علي عينه قالو محتاجه عمليتين كل عين بثلاثه آلاف جنية عشان المايه البيضا وهو مابقاش شايف خالص نفسي اكمل حق عين بس يشوف ويقدر يخش الحمام لوحده او يطلع يقعد جمبي مابقاش خاېفة يكفي علي وشه
فتقول لها نجاة ياحبيبتي الف سلامه عليه ربنا يشفيه وماجمعتيش اي فلوس فردت بسرعه إزاي معايا الفين وخمسمائه والدكتور قالي ممكن تنزل لالفين وثمانمائه يعني باقي ثلاثمائه وإن شاءالله بسيطه وهتدبر
فتقول لها نجاة وانا هاجي اقاسمك في رزقك كفايه الحمل اللي عليكي
فتضربها وتقول يابت ماتقوليش كده يمكن إنت اللي تجيبي الرزق معاكي وانا محتاجة اللي يساعدني إنت عارفة ابويا مش قادر ومافيش حد
دا انا نفسي أاجر الدكان دهون وتشير إلى محل أمامها بس صاحبه معليه عليا تصدقي عاوز خمسميايه في الخرابه دي
فتقول نجاة وإنت عوزاه ليه ومصاريف علي الفاضي فتقول نوئه
يابت دا محل مش بياعه في شارع واجيب كام كرسي علي كام ترابيزة واعمل قعدات جوه المحل هو صغير اه بس نحط جوه وبره وأخر الليل كله يدخل حوه وممكن نعمل حاجات تانيه جمب الكبدة
فتقول نجاة والله فكرة يابت وانا معاكي
فتقول نوئه بأسي وحسرة المنيل عاوز تامين ألف وشهر مقدم وإنت عارفه ابويا اهم عاوزه اعمله عمليته الاول مش لازم التانيه حالا المهم يشوف بواحده والمحل هو اللي هيجيب فلوس التانيه
فتقول نجاة وكانها وجدت الخل
بصي خلصي عمليه أبوكي ونفضل شغالين كده وبعدها انا معايا حلقي نبيعه ونعمل المحل ونبقى شركا
فتقول نوئه لا خليهولك مش عارفه متخبيلك إيه وإنت حامل ولسه ولاده
فتقول نجاة بإستسلام ربنا هيسهلها ورزقنا علي الله قادر يحلها من عنده وقتها وصحيح الواد هيما مش كان عينه منك خديه يابت منك وعليكي ماتبصيش لفوق أديكي شايفه حالي لا يسر عدو ولا حبيب
فتقول نوئه قطع وقطعت سيرته هيما الكلب ده قال عاوزني ارمي ابويا يقولي مش عاوز ابويا يعيش معانا قلتله غور جاك داهيه في امك اللي ماعرفتش تربيك عاوزني ارمي ابويا بعد العمر ده وهو ظفرة برقبتك ورقبة عيلتك كلها إنت تغور هيجي غيرك لكن ابويا ماليش ولا له غيري
فتنظر لها نجاة جدعة يابت طلع واطي صحيح
فتستطرد نوئه وجه يبوس القدم بعدها بس خلاص فتعاتبها نجاة مايمكن حس بغلطه وندم
فترد عليها نوئه بكل قوة خلاص ما أمنلوش تاني علي ابويا يغور الجواز من وشه
فتنظر لها نجاة بإعجاب
إنت الشغل قواكي يابت ياريتني قوية زيك كده ماكانش ده بقى حالي
فتوقفها نوئه امامها هتبقي قوية يابت وهتدوسي علي اي حد يزعلك بالجزمه بس خليكي معايا وهنعمل احلي شغل وإحنا محتاجين إيه من الرجاله دول عواله وكماله عدد
فتضحك نجاة فتستنكر عليها نويه ضحكتها إنت بتضحكي والله خالد بتاعك ده مايسوي عندي في سوق الرجاله مليم احمر دا حتي المليم خسارة فيه
روحي ريحي إنهارده ورضعي بنتك امك بتنادي اهي ومن بكره بدري تعالي نشتغل سوا وأديكي عارفة الشغلانه مش هعلمك لسه من أول وجديد
فټحتضنها نجاه متشكرة اوي ياحبيبتي شيلتي عني هم كبير
................
اما خالد فتؤنبه والدته
يعني كان لازم تحلف عليها
هتعمل إيه بقى حالا
فيقول كان لازم تتربي انا اتخنفت منها ومش طايقها بعد اللي عملته